VAŽNO SAOPŠTENJE
USVOJENA JE IZMENA PRAVILNIKA O RADU PEDAGOŠKIH ASISTENATA
Tale nekozom kotora svatujendar maškar Nacionalno konsilo rromane nacionalne minoritetonendar thaj manuša andar Ministerijumo sikavimasko gođaverimasko thaj tehnologikane buhljarimasko, avilo džiko kompromisno čhinadipe, o Ministerijumo čačarda averčhando Ortuimasko lil po kasko andipe bućarda o timo Nacionalne konsilestar rromane nacionalne minoritetonendar, po kasko čikat si o Dalibor Nakić thaj membrurja Odborestar palo sikavipe.
Andimasa katar čačardo averčhandimasko Ortuimasko lil ciknjarde si e kvote palo pherdipe angažuimasko pedagogikane asistenturjengo ande fundošće sikavne thana. Godova ande praksa sikavel kaj palo angažuipe PA avela trubusardo 20 sikamne, a palo pherdo fondo klasurjengo 35.
Katar thejarra avel talo zurjavipe:
1) Ortuimasko lil palo averčhandipe Ortuimaske lilestar pale kriterijumurja palo finansiripe institucijako savi nakhavel bućaripe palo fundosko sikavipe thaj vazdipe,
2) Ortuimasko lil pale averčhandimata Ortuimašće lilestar pale kriterijumurja thaj standardurja palo finansiripe institucijako savi nakhavel bućaripe palo maškarutno sikavipe thaj vazdipe.
Ande liduj ortuimašće lila ćerdinepes averčhandimata saste nomerosko 16a (FST), 14b (MST) ando mištaripe e sugestijenca Nacionalne konsilestar rromane nacionalne minoritetonendar thaj udžilimašće sektorenca, a po fundo gîndimasko Republikaće sekretarijatostar palo andine dine mothodimatengo.
Nacionalno konsilo rromane nacionalne minoritetonendar naisarelpes Ministerijumošće palo sićope, gođaveripe thaj tehnologikane buhljarimasko pe andine averčhandimata Ortuimašće lilestar thaj membrujenđe kabinetostar ministarestar Šarčevićestar pe konsktruktivno haćaripe thaj khetanimasko bućaripe
Naisaras vi pedagogikane asistenturjenđe save inćarine paćiv ando Konsilo thaj paćaine te ačhas pala lende thaj kaj ćerasa sa so si ando amaro udžilipe sar majlačharasa čhinadimaske uslovurja.
Romski Jezik 
Српски језик