ZEMUN: Zurjavipe rromane familijengo ando foro Zemun pala majbaro bućaripe
Forošći guverna Zemun thaj SOS Čhavrikane gava Srbija inćardine e promocija katar projekto „Zurjavipe rromane familijengo ando Zemun pala majbaro bućaripe.“
O projekto savo si phanglo pala zurjavipe rromane familijengo save si ando riziko thaj proceso buućarimasko sikadine o prezidento Forošće guvernastar Zemun Dejan Matić, šerutni po Ortuipe Forošće guvernastar Zemun Katarina Zrilić thaj nacionalno direktori SOS Čhavrrikane gava Srbija Vesna Mraković – Jokanović.
Zurjavipe projektošće dija vi o Nacionalno konsilo rromane nacionalne minoritetonedar gajda kaj lija kotor ande bućarimašće kupe thaj komisije palo losaripe projekturjengo save avena zurjardine maškar o programo Evropaće unijaktar „Zurjavipe pala inkluzija e Rromenđi“, savi nakhavel SKGO ande Srbija.
Pe araćhesko lošanipe, andar alav katar Nacionalno konsilo e Rromengo, sas o džipašerutno šerutnesko Gatisarimaske odboresko Mile Ramić thaj membro gatisarimašće odboresko, Dragan Krstić.
Von ande pire mothodimata inkaldine kaj o Konsilo vi ande avutnimašći vrjama dela pherdo zurjavipe Lokalošće korkorroortuimatenđe kana alavarenpes pala fundurja andar Eu fondurja pala trubulipe inkluzijako e Rromengo.
Romski Jezik 
Српски језик