Tale vizite save ćerdinepe ande đilabimašće sikavne thana pe teritorija AP Vojvodinaći, inćardapes e manifestacija “Maškarthemutno đes đilabimasko – đes rromane đilabimasko” po dujto drom, akana ando Novi Kneževac, tale organizacija katar “Rromano kulturako maškar Pančevo” andar Pančevo, a kasko kofundosarimatari si o Nacionalno konsilo rromane nacionalne minoritetostar savo si vi finansijeri jekh kotoreja andar Pokrajinako sekretarijato palo sićope, inkaldipe ramosarde ortuimasko, ortuipe thaj nacionalne minoriteturja , khetanimaske bućarimasa e Đilabimaske sikavne thanesa Novi Kneževac thaj talo tehnikano zurjavipe guvernatar Novi Kneževac.

Tale inicijativa katar Nacionalno konsilo rromane nacionalne minoritetostar, ande thana katar Filozofsko fakulteto ando Novi Sad, inćardapes o maladipe palo šajipe te ande avutnimaski vrjam teljarelpes sićope andar šeho savo palo kamipe inćarela pindžaripe studentonengo e fundurjenca rromane kulturatar.

Prezidento Nacionalne konsilestar rromane nacionalne minoritetostar, Dalibor Nakić, sas po lošanimasko putaripe Rromane maškarestar pale migracije ando foro Prokuplje, ando kasko vazdipe thaj lačharipe sas dino 107.000 evra katar Thagaripe Srbijako, Thagaripe Njamcickano prdal Amalipe pala maškarthemutno khetanimasko bućaripe (GIZ) thaj Thagaripe Japanosko.