Vizite ande Rromane thana, forurja thaj ortuimašće kotora – Foro Zaječar

Sar kotor katar rîndoske vizite katar forurja thaj guverne, šerutno Nacionalno konsilestar rromane nacionalne minoritetonendar Dalibor Nakić, sas ande vizita ando foro Zaječar.

Vo ando than katar Ćidipe amalimasko e Rromengo andar Zaječar inćarda bućarimasko maladimasko bešipe e pedagogikane asistenurja, sastarimašće medijatorkenca thaj rromane koordinatorenca andar forurja Zaječar thaj Bor. O ćherutno sas o prezidento katar lipardo ćidipe, Miljan Rašić, savo si membro odboresko pale kultura Nacionalne konsilestar e Rromendar.

Talo bućarimasko maladimasko bešipe po savo o šerutno Nakić pindžardapes e pharimatenca save inćaren kolege po lokalosko nivelo, khetane sas ande vizita ande nekoliko butemembrurjenđe rromane familije kašće jekhutne poćinimata si uladipe raštrako palo socijalne dukhade kategorije forutnenđe.

„Ande avutnimašći vrjama, pašo agorisaripe katar bešimašće thaj komunalno-infrastrukturne pharimata, rodasa ando Koordinaciono kotor Thagarimasko Srbijako thaj ke maškarthemutne institucije te o kotor Bućarimasko čholpes sar prioriteto pla aver brš,“ mothoda o prezidento Nakić kana sas ande vizite rromane familijenđe.

RNS

See author's posts