Šerutnipe Nacionalne konsilestar po lošanipe katar Đes guvernako Koceljeva
Prezidento Gatisarimašće odboresko Pava Čabrilovski thaj generalno sekretaro Dejan Vlajković sas pe lošanimaski bešutni palo lošanipe katar Đes guvernatar Koceljeva.
Lošanimaski bešutni putarda o prezidento guvernako Koceljeva Dušan Ilinčić, savo dija svato palo bućaripe guvernako thaj sikada džiakanutne rezultaturja.
Pale planirime bućarimata guvernatar thaj khetanimaske bućarimava e republikane institucijenca svato dija o šerutno PG (parlamento guvernako) Koceljeva thaj themesko dikhljardo Veroljub Matić.
Pašo svato rajendar Ilinčić thaj Matić, e aviline manuša inćardine šajipe te lošanin ando barvalo kulturako-artistimasko programo.
Nacionalno konsilo vi ande avutnimaski vrjama lundžarela khetanimasko bućaripe e guvernava Koceljeva thaj aver lokalošće korkorroortuimatenca sar majbuhljarlape socio ekonomikano than rromane populacijako.
Kasavo khetanimasko bućaripe e guvernava Koceljeva thaj aver guvernenca thaja forurjenca anda rezultato te therelpes granto katar UNOPS-o palo majlačharipe bešimasko rromane populacijako.

RNS

See author's posts