ULADINEPE ĆIJE KOLENĐE SAVE HASNAREN SOCIJALNE BEŠIMAŠĆE THANA ANDE LJUBOVIJA

14 familije save si maškar maj darade amalimašće kupe pe teritorija guvernatar Ljubovija, dine ande nevevazdine objekturja pala socijalno bešipe. Maškar program “Zurjavipe Evropaće unijatar palo socijalno bešipe thaj aktivna inkluzija”, therdine si saste lačharde thaj furjade bešimašće thana. Majdur, e hasnarimatarja line kotor ande sa bućarimata katar socijalni inkluzija, nakhline averčhande sikavimata, line kotor ando bućaripe katar ašunimašće bućarimašće thana, thaj therdine metrijalurja palo nakhadipe pire korkorrutne bućarimasko.
Ćije neve vazdine bešimašće thanendar uladine o prezidento Guvernako Ljubovija Milan Jovanović, programsko menadžero ande Delegacija EU ande Srbija Gerhard Zalcer, ministro pale manušikane thaj minoritane orturja Tomislav Žigmanov, ažutimatari ministarestar palo bućaripe, therdipe bućarimasko, marimašće thaj socijalne bućarimata Slavica Jelača, prezidento Nacionalne konsilestar rromane nacionalne minoritetorestar Dalibor Nakić thaj menadžeri programosko “Zurjavipe EU palo socijalno bešipe thaj aktivna inkluzija” thaj manušnji katar UNOPS Dragana Milošević.
Evropaći Unija palo program “Zurjavipe EU palo socijalni bešipe thaj aktivna inkluzija” ulada 27 milionurja evra, thaj vo, paša Ljubovija, nakhavelpes ande 18 forurja thaj guverne ande Srbija. Sar kotor kale Programosko, 381 familije therel bešimasko thaj thaj zurjavipe ande aktivna inkluzija.
E manuša andar Nacionalno konsilo e Rromengo tale ceremonija palo uladipe ćijengo, sas ande vizita rromane thanešće “Alin grm” ande Ljubovija, ande save trin socijalne dukhade familije, maškar kava program, therdine zurjavipe sar lačhardipe bešimašće thanengo.

RNS

See author's posts