ĐES PUTARDE VUDARESKO PALO SIKADIPE INKLUZIJAKO E RROMENGO ANDO AMALIPE SRBIJAKO

Ande “Palata Srbija” inćardapes o Đes putarde vudaresko pala sikadipe inkluzijako e Rromengo ando amalipe Srbijako. Po maladipe svato dine o ministro pale manušikane thaj minoritane orturja thaj amalimasko dijalogo Tomislav Žigmanov, direktori Fondacijako palo sikavipe e Rromengo Čupi Redžepali, prezidento Nacionalne konsilestar rromane nacionalne minoritetorestar Dalibor Nakić, a bućaripe Ministerijumosko ando kava kotor sikada e Sofija Osmanović, šerutno Kotoresko palo majbuhljaripe thanengo e Rromengo.
Ministro Žigmanov inkalda kaj o projekto savo nakhavelpes khetane e Fondacijava palo sikavipe e Rromengo si but semno kaj anela džiko khetanimasko kamipe, a godova si majbaro nivelo bućarimasko, a godoleja vi majlačhi inkluzija thaj integracija e Rromenđi ando amalipe Srbijako
O prezidento Nacionalne konsilestar e Rromendar sikada po semnipe nakhadimasko kasave programonengo maškar save e terne sikade Rroma len kotor ando bućaripe ašuniimašće institucijengo, thaj naisarda e mere save Fondacija pala sikavipe e Rromengo nakhavel, sar ando sikavipe e Rromengo, gajda vi ando lengo anglunipe thaj gatisaripe pale bućarimata, uladimasa pala bućaripe ande ašunimašće institucije thaj thana. Naisarda Ministerijumošće pale manušikane thaj minoritane orturja thaj amalimasko dijalogo pala but lačho khetanimasko bućaripe thaj zurjavipe savo del rromane nacionalne konsilešće.
Po maldipe sas nekozom dešutnimata terne Rromengo save ande avutnimašći vrjama inćarena šajipe te akharenpes palo stažiripe ande organurja raštraće ortuimatengo Republikatar Srbijatar. Talo maladipe, pale kola save aviline ćerdapes vizitako dromaripe thaj nakhavipe Palatako Srbijako.

RNS

See author's posts