Prezidento Dalibor Nakić dija svato pe promocija lilešći „Romologija“ katar prof. dr Rajko Đurić
Pe promocija katar lil „Romologija“, prof. dr Rajko Đurić, savi ćerda o Timo palo socijalna inkluzija thaj ciknjaripe čorrîmasko Thagarimastar Srbijatar thaj Vučo sikavno than strukovne studijengo pale vinaja „Mihailo Palov“ andar foro Vršac ando andralunimasko kotor dija svato o prezidento Nacionalne konsilesko rromane nacionalne minoritetostar, Dalibor Nakić.
Prezidento Nakić bahtarda sa e manušen save aviline thaj ando andralunimasko kotor inkalda o semnipe Romologijako sar terne gođaverimašće disciplina savi inke trubul te buhljarlpes thaj te sićelpes.
Majdur, inkalda kaj o Nacionalno konsilo si gatisardo te zurjavel bućaripe lilarnengo thaj gođaverimaske bućarimatengo pe kaja thaj aver kotora, sar inćarasas sa majbut kasave lila.
„Profesor Đurić sas o manuš bare džangllimasko, savo ulada pe terne generacije. Kava lil si detot semni vi odolaći kaj inkalelpes talo lesko meripe thaj sikavel opralunipe katar lesko gođaverimasko bućaripe“, inkalda o Nakić ando andralunimasko mothodipe.
Pe promocija kotor lija vi o ministro pale manušikane thaj minoritane orturja Gordana Čomić, raštrako sekretaro ando Ministerijumo palo sićope, gođaveripe thaj tehnologikano buhljaripe Ana Marija Viček, dikhljardo Dragoljub Acković, e manuša andar SIPRO timo Dragana Jovanović thaj Slavica Denić, Osman Balić andar Liga Roma, prof. dr Marija Aleksandrović, žurnalisto Branko Đurić thaj o studento Aleksandra Stošić.