Talo zurjavipe Nacionalne konsilestar rromane nacionalne minoritetonendar, Ćidipe o manušnjengo „Romena“ po dujto drom ćerda e maladimata sikamnendar rromane čhibjatar katar teritorija AP Vojvodinaći.
Po maladipe ando alav Nacionalne konsilestar rromane nacionalne minoritetonendar sas o džipašerutno prezidentosko Aleksandar Balinović Vo inkalda kaj avelas but semno te ando Odboro pala ašunimasko hasnaripe čhibjako thaj lilarimasko lel kotor vi e sikavimatarja rromane čhibjako thaj kaj po averutni bešutni parlametosko Konsilestar inkalena alavardipe sikavimatarnengo rromane čhibjatar save inćaren džanglipe ando bućaripe, a varesave lendar vi majbut katar 20 brša.
„O Konislo ando avutnimaski vrjama bućarela po inkaldipe palo ćerdipe ortuimaske lilestar palo plano thaj programo pala lila pe rromani čhib save hasnarenape ando bućaripe“, inkalda o Balinović.
Po maladipe sas vi e pokrajinaći dikhljardi, Jelena Jovanović, savi inkalda kaj si kasave maladimata but semne sar pala sikavimatarja, gajda vi pala late sar kaj dikhljari, kaj pe godova varo but efikasno avelpes džike averčhadipe informacijengo thaj mištardipe trubulimatengo save inćaren e sikavimatarja ando sajekhđesutno bućaripe, pala soste trubulen zurjavipe pokrajinaće Thagarimastar thaj udžilimašće ministerijumostar.
Romski Jezik 
Српски језик