VUČO SIKAVIMATARI EVROPAĆE KOMISIJATAR ANDE VIZITA KO KULTURAKO MAŠKAR E RROMENGO ANDO FORO NIŠ
Kulturako maškar e Rromengo ando foro Niš, kasko fundosarimatari si Nacionalno konsilo rromane nacionalne minoritetostar, vizitisarda e Marta Garsija Fidalgo, vučifunkcionero Evropaće Komisijatar pale Rromane pučhimata.
Ando alav katar Nacionalno konsilo e Rromengo, vuče sikadimatarka ažućardine o direktori Kulturaće maškaresko Svetislav Jovanović thaj džipašerutno Gatisarimašće odboresko Konsilestar Igor Paunović.
andralunimasko mothodipe, L.E. e raji Fidalgo naisarda bućaripe Konsilesko thaj mothodipe prezidentosko nakićesko poSeminaro pala socijalna inkluzija e Rromenđi savo inćardapes đes majanglal Beogrado.
Majdur, inkalda, kaj si but čaljardi khetanimašće bućarimava thaj pašunimasa mašakr šerutnipe forostar Niš thaj rromani populacija.
Inkalda kaj kasavo pašunipe šaj te lelpes sar pozitivno sikadipe sar trubulpes te bućarelpes ando loklosko trujalipe thaj bahtarda forošći konsilarni pale socijalne pučhimata Tijana Ilić Đorđević pala personalno bućaripe ando čačaripe rezultatonengo ande inkluzija e Rromenđi.
Naisarda e raješće Osmanošće Balić thaj YURom maškareske save lline kotor e HELP-asa ando lačharipe Kulturaće maškaresko thaj teljardipe trinčhonešće sikadimasko pale suvarimatarja pala 20 terne Rroma thaj Rromnja.
Bahtarda e raštra Srbija, udžilimašće ministerijumurja thaj maškarthemutne donatorja te ažutisaren bućarimata Kultruaće maškarestar thaj lačhardipe. Inkalda kaj Evropaće komisijaće mothola pala maj šukar haćarimata and vizita thaj rodela pe direktna donacija pale angluni institucija kulturaći e Rromenđi ande Srbija.
Paša vizita Kulturaće maškareske, planirime si vi vizita rromane thanenđe ando Niš thaj Niška banja.
Romski Jezik 
Српски језик