Pe promocija katar lil „Romologija“, prof. dr Rajko Đurić, savi ćerda o Timo palo socijalna inkluzija thaj ciknjaripe čorrîmasko Thagarimastar Srbijatar thaj Vučo sikavno than strukovne studijengo pale vinaja „Mihailo Palov“ andar foro Vršac ando andralunimasko kotor dija svato o prezidento Nacionalne konsilesko rromane nacionalne minoritetostar, Dalibor Nakić.

Ando alav katar nacionalno konsilo rromane nacionalne minoritetostar, o membro Konsilesko, Sonja Mitrović – Lukić, sas ande vizita rromane thanešće ando Galipoljsko sokako, ando beogradesko than Čukarica kaj ćerdape bibahtalipe ando savo katar elektrika sas dukhadinepe efta rromane čhavorra, kata save štar inćaren phabardimata daravimaske palo trajo, a trin inćaren majcikno nivelo phabardimasko