Dinipe gođako pe mudarde – Čhutinepe e kujburja luluđendar ando liparimasko komplesko „Jajinci“

Ando liparimmasko parko „Jajinci“ pašo Beogrado, pala majvuče raštraće thaj katanijaće sikadipe paćivalimasko inćardpaes komemoracija viktimonenđe fašizmostar ando Dujto themesko maripe

Po čhutipe kujburjengo luluđengo mudarde manušenđe, o sikadipe paćivalivako dine ando alav prezidentostar Republikatar Srbijatar, minitro pale bući, therdipe bućarimasko, socijalne thaj marimašće pučhimata Zoran Đorđević, e manuša andar avrjalune ambasade, e manuša andar katanija Srbijaći, e manuša save ačhiline džude andar logorja, e forostar Beograd, SUNBOR thaj butimašće avrjalune delegacije.

Ando alav katar nacionalno konsilo rromane nacionalne minoritetonendar, po čhutipe kujbengo luluđengo sas o prezidento Dalibor Nakić, prezidento po Gatisarimasko odboro Pava Čabrilovski thaj membro Gatisarimaske odborestar Stevan Jovanović.

Dinipe gođako pe viktimurja ande Jajinci si vi bičhaldipe mothodimasko thaj liparipe amare vrjamaće so šaj te ćerelpes kana bistarelpes kaj si sa menuša jekhetane ando piro dino trajestar dikhavipe, anglal dino mothodipe thaj kaj jekhetane inćaren sa orturja.

Po mudarimasko than ande Jajinci dural Dujto themesko maripe, brutalno sas mudarde majbut katar 60.000 manuša – Dasa, Rroma, Jevrejurja, manuša save line kotor ande themesketromalimaske marimata, antifašisturja thaj kolen save či kovlisardinepes godoleja kaj si e raštra lini zuralimasa thaj fašistikane režimosa.