Lundžaripe vizitengo Lokalošće korrkorroortuimatengo thaj rromane thanengo – foro Vranje
Šerutnipe Nacionalne konsilestar rromane nacionalne minoritetonendar lundžarda e vizitenca Lokalošće korkorroortuimatenđe thaj rromane thanenđe. O prezidento Konsilesko, Dalibor Nakić thaj šerutni Gatisarimaske odborestar Pava Čabrilovski, inćardine bućarimasko maladipe bešimasko e anglune foroske manušeja ando Vranje, Slobodanosa Milenkovićeja thaj membrosa foroske konsilestar savo si udžilo palo kotor nacionalne minoritengo, etnikane amalimatengo thaj BGĆ sektoro Dejanova Ivanovićeja. Talo gatisaripe maladimasko sas ando rromano than „Gornja čaršija“ thaj dine svato e manušenca pala lenđe trubulimata savenca malavenpe.
E ćherutnimatarja Konsilešće paša šerutne forošće manuša andar Vranje sas o džipašerutno Konsilesko Zvezdan Ramić, pedagoško asistento Kaja Raimović, sastarimašći medijatorka Tereza Šajinović thaj lungobršesko rromano aktivisto thaj kobućarno Ivica Imić.
Jekh katar semne maladimašće teme, pašo nakhadipe katar Lokalosko akciono plano pale inkluzija e Rromenđi, sas vi fundosaripe Kulturaće maškaresko e Rromengo. Šerutnipe Forosko sikada baro intereso pala fundosaripekulturaće institucijako savi avela teljardimatari kulturaće thaj sikavimašće bućarimatengo ando foro Vranje.
Prezidento Nacionalne konsilestar Dalibor Nakić, naisarda anglune forošće manušešće palo ćherutnipe thaj sikada bahtalipe odolaći kaj avela putardo inke jekh Kulturako maškar e Rromengo khetanimaske bućarimatar Forostar thaj Konsilestar.
Romski Jezik 
Српски језик