Bibijako sastipe

Ađes si o lošanimasko đee čačepaćivale Rromengo, Tetka Bibija (Bibijaka), čhavorrenđi thaj nasvalimatarnenđi lesamalimatarka.

Pašo rudisaripe rašajengo, dinipe jagako memeljengo thaj lošanimasko phađipe kolakosko palo sastipe čhavorrengo thaj nasvalengo, pašo paćivalipe ande sa epidemiološke mere, lošanisardapes po 143 drom e Bibijaka ando sokako Gospodara Vučića, kaj e Rroma tradicionalno ćidenpe pašo liparimasko bar vazdino pala mudardi rromani populacija ando Dujto themesko maripe.

Ando alav katar Nacionalno konsilo rromane nacionalne minoritetonendar, po lošanipe sas vi o prezidento Dalibor Nakić, generalno sekretari Dejan Vlajković, membro konsilesko Sonja Lukić – Mitrović thaj kobućarne Igor Kostić thaj Nikola Brkić.

Prezidento Nakić e bućarnenca bahtarda lošanimatarja thaj ćidipe Rroma thaj kamla lenđe but baht tha lačhe aresimata ando trajo. Naisarda vi e manušenđe andar „Udruženje beogradskih cigana svečara Tetkice Bibije“ save len sama thaj denpeš gođi pe Bibi savi pire lačhimava thaj čudurimašće zuralimatarenca sastarda e čhavorra thaj nasvale.

Paša manuša andar Nacionalno konsilo thaj e manuša andar rromano civilosko sektoro, po lošanipe sas pire bućarnenca vi o prezidento po FG Voždovac Ivana Tomić Ilić.

RNS

See author's posts