BUĆARIMASKOO MALADIPE BEŠIMASKO MAŠKAR PREZIDENTO NACIONALNE KONSILESTAR THAJ PREZIDENTO GUVERNAKO OSEČINA
Ando nacionalno konsilo rromane nacionalne minoritetonengo, o prezidento nacionalne konsilesko, Dalibor Nakić, iinćarda bućarimasko bešimasko maladipe e prezidentova guvernatar Osečina, Nikoleja Tomić. Paša duj prezidenturja, po maladipe sas vi o prezidento Gatisarimaske odboresko Pava Čabrilovski thaj koordinatoro pale rromane pučhimata ande Osečina, Siniša Muratović.
Ando kamipe palo majdurano khetanimasko bućaripe duje institucijengo, e prezidnturja maladinepe te ande averutni, 2022. brš, khetanimasko bućaripe vazden po majvučo nivelo thaj khetanimasa bućaren palo majlačho than e Rromengo ande Osečina thaj sasto Kolubarsko trujalipe ortuimasko.
Detot si semno thaj trubulipe si te inkalelpes kaj e guverna Osečina del baro zurjavipe pale inkluzija e Rromenđi, pala soste mothon vi e aresarde rezultaturja ande nakkhli vrjama.
O prezidento Nacionalne konsilesko ande 2021. brš, khetane e pire bućarnenca, ćerda majbut katar 50 bućarimašće maladimata e prezidenturjenca guvernendar thaj forošće anglunenca andoo buhljaripe Srbijako thaj sas paše ande 100 rromane thana, so si sikavipe palo gatisaripe te čačarelpes komunikacija sar e rromane populacijava, gajda vi e kolenca save anen čhinadimata, palo lačhipe raštrako Srbijako thaj rromane amalimasko.
Romski Jezik 
Српски језик