Ando foro Kruševac tradiocionalno đinavelpes kotor Sumanle jevanđelostar pe rromani čhib

Po đes kana o hristos vazdapes e mulendar, ande mismeraske saturja ando Saborno khanđiri katar Sumnalo barimasapecardo Đorđe ando foro Kruševac, Lesko Rašajano baripe kruševačkosko o Raj David inćarda patrađako rjatuno rudipe. Ando rudipe sar o tipik mothol, đinado si jevanđelje pe majbut čhibja.

Sar si tradicija, bahtardimata katar Lesko Rašajano baripe, Jevanđelje pe rromani čhib đinada o prezidento Nacionalne konsilestar rromane nacionalne minoritetostar Dalibor Nakić. Prezidento Nakić deš brša lel kotor ando kava devlikanesko inćaripe rudimasko thaj ćerel e promocija rromane čhibjaći, jekhetanipe, tradicija.

Sumnalo jevanđelje si đinado pe 17 čhibja themendar: dasikano, puranogrecijako, latinsko, nevogrecijako, khanđirakoskoslovenakosko, jevrjengo, rumunsko, italijansko, francijako, makedonsko, albanosko, njamcickano, anglikano, škotsko, ungrikano, rusijaći, thaj vi anglal lipardo rromani čhib.

Kotor katar Sumnalo Jevanđelje pe rromani čhib

Thaj pe kodova, angluno kurkonesko đes angle rjat, kana sas phandadine vudara po than kaj sas sikamne daravisima Judejendar avilo Isuso thaj ačhilo maškar lende thaj mothoda: „Miro tumenđe“. Mothova godova thaj sikada leđe pire vasta the pišvare. Pe godova ođardile sikamne kaj dikhline Devlikanes.
Athoska Isuso pelem mothoda lenđe: „Miro tumeđe! Sargo so Dad man bičhalda , thaj vi me bičhalav tumen“. Thaj mothoda godova, thaj phurda pe lende thaj mothoda lenđe: „Len tumenđe Sumnali ođi“. Kaske tumen jertisarena bezahalimate, jertisarelape lenđe, a kaske ačhavena bezahalimate, avena lenđe ačhadine!“

A Tomo akhardo Pašuno, jekh Dešedu jendar nas lenca kana Isuso avilo. Pala godova aver sikamne mothodine leske: „Dikhlam Devlikanes!“ No vo mothoda lenđe: „Džikaj či dikhav pusado than krafinendar, pe leske vas, thaj džikaj či čhav naj mungrro po pusado than katar krafina, thaj či čhav vas mungrro maškar leske pašvare či paćava!“

RNS

See author's posts