VIZITE RROMANE THANENĐE
GRAD PROKUPLJE
Prezidento nacionalne konsilestar rromane nacionalne minoritetonendar, Dalibor Nakić, sas ande vizita ko foro Prokuplje. Vo khetane e džipašerutnesa Konsilestar Saša Ališanović andar Prokuplje thaj kobućarne Konsilestar pala sikavipe Momčilostar Mutatoviće inćarda bućarimasko bešimasko maladipe e majsane šerutnimastar forostar Prokuplje, forošće šerutnestar Aleksandar Simonović, prezidentostar parlamentostar forostar Dejan Lazić thaj lundžebršeske rromane aktivistosa, Safet Sušica.
Dijam svato palo nakhavipe Strategijako pala socijalna inkluzija e Rromenđi thaj Rromnjenđi, sar vi pale seđesutnimaske trubulimatenca rromane populacijatar inkaldimaca po kotor savo si phanglo pala komunalna infrastruktura thaj čhinavimatenca palo bešipe.
Palo sa jekh naisaripe si pindžaripe te intenzivno bućarelpes palo lačharipe komunalne infrastrukturako, sikavipe pala godova si vi ćerdino duvari palo lesamalipe katar vazdipe pajengo ando than „Mala guba“, sar vi pučhipe palo therdipe pajesko. Liduj projekturja si ćerdine talo ažutisaripe zurjavimasko IPA EU fondurja thaj ažutipe forostar.
Majdur, ažutisarelpes gatisaripe vazdimasko 12 bešimašće thanengo pala bešimasko lesamalipe e Rromengo, so Prokuplje čhon ando vučipe forurjengo thaj guvernengo save šaj te aven sar sikadimata lačhe praksako ande sa jekh inkluzija e Rromenđi ande Srbija. Prezidento Nakić naisarda ćherutnenđe palo ažućaripe thaj lengo bućaripe te e Rroma haćarenpes sar jekhetane membrurja amalimatar talo zuralo dino alav kaj o Nacionalno konsilo e Rromengo sa jekh vrjama avela talo ažutisaripe forošće Prokuplje pala sa maj jekh kotor zurjavimasko thaj ažutisarimasko ande avutnimaski vrjama
Romski Jezik 
Српски језик