Uladipe ažutimasko thaj vizita rromane thanenđe – FG Čukarica

Prezidento po Nacionalno konsilo rromane nacionalne minoritetonendar, Dalibor Nakić, sas po čikat delegacijaći savi araćhi thaj ađes sas ande vizita ke dukhalde rromane familije kašće čhavorra inćardine dukhaldimata katar elektrika ando aformalno rromano than pe Čukaričko padina ando foro Beogrado.

Uladino si ažutipe sar habe thaj higijena save dine e donatorja andar Njamcickano ćidipe pale maškarthrmutnimasko khetanimasko bućaripe (GIZ) thaj e amala katar Nacionalno konsilo. Talo uladipe ažutimasko, e delegacija katar Nacionalno konsilo sas ande vizita rroomane thaneske ando Šavničko sokako ando Žarkovo kaj tradicionalno lošanisarelpes e Bibijako đes.
Nakon podele pomoći, delegacija Nacionalnog saveta obišla je romsko naselje u Šavničkoj ulici na Žarkovu gde se tradicionalno obeležava proslava Tetke Bibije.

Ande vizita thanešći thaj svato e forutnenca, inkalas kaj ando kava than si vučo nivelo udžilimasko pale čhavorra thaj lengo sikavipe. Sa e čhavorra rîndova ramosarenpes thaj agorisaren maškarutne sikavne thana, a baro đindo čhavorrengo ramosarenepes ande vuče sikavne thana thaj fakulteturja, mothoda amenđe rromano aktivista Radovan Raša Minić.

Minić majdur lundžarel kaj si kava angluno drom te o prezidento Nacionalne konsilestar avel ando kava than kana si fundosardo Angluno konsilo. Pala sa jekh naisaripe si khetanimasko bućaripe e šerutne manušenca FG Čukarica, a dićhelpes vi but lačhardi dromarimaski thaj komunalno infrastruktura.
Uz čestitku slavarima i građanima koji su se okupili oko Zapisa gde se pale sveće za zdravlje dece i bolesnih, predsednik Nakić sa saradnicima završio je posetu ovom romskom naselju.

Palo bahtaripe lošanimatarnenđe thaj forutnenđe save ćidinepe pašo Ramosaripe kaj e denpes jag e memelja palo sastipe čhavorrengo thaj nasvalengo, o šerutno Nakić e bućarnenca gatisarda kaja vizita kale rromane thanešće. Ande delagacija katar Nacionalno konsilo, pašo prezidento Nakić, sas vi e šerutni po Gatisarimasko odboro pava Čabrilovski, generalno sekretari Dejan Vlajković, membro konsilesko Sonja Mitrović-Lukić thaj dikhljardi Sandra Joković