INĆARDAPES O BUĆARIMASKO MALADIPE PALO MAJBUHLJARIPE SIKAVIMASKO PE RROMANI ČHIB

Nacionalno konsilo rromane nacionalne minoritetorestar khetanimasa e Kancelarijava pale inkluzija e Rromenđi AP Vojvodinaći, ćerdine o bućarimasko maladipe pe tema „Pharimata thaj akhardimata palo nakhadipe sikavimasko pe rromani čhib“ po savo ćidinepe e eksperturja thaj semne kotora sar khetane sikavena pe pharimata savenca e sikavne malavenpes ando inćaripe sikavimasko pe rromani čhib, sar vi te inkalen mehanizmurja palo nakhadipe pharimasko thaj majbuhljaripe sikavimasko pe rromani čhib.

Po kava maladipe ulado palo majbuhljaripe sikavimasko pe rromani čhib svato dine e Jelena Jovanović andar Nacionalno konsilo rromane nacionalne minoritetorestar, Ljiljana Mihajlović, direktori Kancelarijako pale inkluzija e Rromenđi, Milica Vučićević, ažutimatari palo sikavipe ando Pokrajinako sekretarijato palo sikavipe, ortuipe thaj nacionalne minoriteturja thaj Vesna Radulović andar Sikavimasko ortuipe Novi Sad.
Pale akhardimata thaj pharimata ando nakhadipe pe rromani čhib, svato dija vi e Šeća Kolompar andar odboro palo ašunimasko hasnaripe čhibjako thaj lilarimasko Nacionalne konsilestar rromane nacionalne minoritetorestar, a doc dr Marija Aleksandrović andar Vuči sikavimasko vinajengo thaj medicinako than sikada e pharimata save si phangle pale lila thaj sikavimašće fundurja ando sićope. Slađana Teodorović andar Konsilo pale integracija e Rromenđi dija gođi e manušen po semnipe sikavimasko pe rromani čhib palo arakhadipe rromane kulturako vi pale aresimašći inkluzija katar marginalizuime kotorengo rromane amalimatar.

RNS

See author's posts