MAŠKARTHEMUTNI GOĐAVERIMAŠĆI KONFERENCIJA MAK 2022.
Po 9. Maškarthemutni gođaverimašći konferencija MAK 2022. savi inćardapes po Kopaonik, ando alav Nacionalne konsilestar rromane nacionalne minoritetonendar kotor line o prezidento Dalibor Nakić thaj prezidento Gatisarimašće odboresko, Pava Čabrilovski.
Ando lesamalipe maškarthemutne konferencijako, e tema sas „Evropako drom – perspektive thaj potencijalurja.“ Sar kotor temako, e manuša andar Nacionalno konsilo svato dine palo zurjavipe ašunimastar pale inkluzija e Rromenđi ando kotor bućarimasko evrointegracijtar raštratar Srbijatar. Pale godova, sar kotor jećhe panelosko, o prezidento Nakić thaj prezidento Gatisarimaske odboresko Čabrilovski, ćerdine o gođaverimasko bućarimasko lil „E Rroma ando akharipe vrjamako“ (Romi u izazovu vremena) savo si sikado manušenđe save line kotor pe konferencija. Gođaverimasko bućarimasko lil thaj prezentacija si molisardo katar džanglimaski komisija, thaj therda dipe e Poveljava palo buhljaripe thaj čačaripe interkulturako relacijengo. E povelja ando alav Nacionalne konsilestar therda o prezidento Gatisarimaske odboresko, Pava Čabrilovski. Pašo kava sikadipe gođaverimašće bućarimašće lilestar, savo crda baro dićhipe thaj lesamalipe manušengo pe konferencija, vi o svato savo dija o prezidento Nakić sas talo baro lesamalipe ašundimatarnendar
O Nakić ando piro vaćardipe svato dija pale bare šajimata save rromani populacija inćarel ando kotor ekonomijako thaj privredako sar naciono e maj terne populacijava. Majdur ando piro vaćardipe liparda kaj e rromani populacija inćarel jekh katar semno bućaripe thaj kotor ando proceso andralunimasko raštrako Srbijako Evropaće unijaće thaj kaj ande perspektiva e Rroma dena semno zurjavipe palo buhljaripe ekonomijako thaj privredako thajh vazdipe BĆP sar manušikano resurso savo ande avutnimaski vrjama avela but semno. Paša butimašće džanglimatarja andar kotor agrobiznisosko, ekonomijako thaj privredako, pe konferencija kotor line e manuša andar foro Kraljevo, guverna Bogatić thaj Trstenik, e manuša andar ministerijumo poljoprivredako, Privredna komora thaj aver. Medijako učharimatari sas e butimašće lokalošće thaj regionalne televizije, sar vi e televizije save inćaren nacionalne frekvencije RTV Pink thaj RTS.
Romski Jezik 
Српски језик