MAŠKARTHEMUTNO ĐES RROMANE ČHIBAKO

Akana, sar kaj si tradicija, šerutnipe Nacionalne konsilestar sa jekh brš, po Đes rromane čhibako, džal ande vizita ando varesavo fundosko sikavimasko than ando andralunipe Srbijako thaj del svato e sikamnenca rromane nacionostar save losardine losarimasko šeho “Rromani čhib e elementonenca nacionalne kulturatar.”

Ando kava brš, Maškarthemutno đes rromane čhibako, lošanisardo si ando sikavno than “Triva Vitasović – Lebarnik” ando than Laćarak. Ando alav Nacionalne konsilestar rromane nacionalne minoritetorestar, pašo prezidento Dalibor Nakić, po lošanipe sas vi I prezidento Gatisarimašće odborestar, Pava Čabrilovski, džipašerutno prezidentosko, Aleksandar Balinović thaj pokrajinaći dikhljardi thaj membro nacionalne konsilestar, Jelena Jovanović.

Pašo lošanipe savo ćerdine e čhavorra thaj e manuša andar sikvano than, o prezidento Nakić thaj dikhljardi Jovanović, đinadine e kotora andar lil “Rromane paramiča – Romske priče”, katar pindžardo rromano lilarno Rajko Jovanović, kasko inkaldipe zurjarda o Nacionalno konsilo. Lilarvanaće sikavne thanešće uladinepe sar dipe e lila, a čhavorrenđe sas dine e sikavimašće šeja thaj furjavimata.

Ando piro mothodipe, o prezidento Dalibor Nakić, dija svato palo bućaripe Nacionalne konsilestar ando arakhadipe thaj lesamalipe rromane čhibako, nakhadipe ando fundosko sikavipe sar losarimasko šeho, sar vi pale avutnimašće bućarimata save o Nacionalno konsilo nahavela pale promocija rromane čhibako.

Po agor vaćardapes pe rromani čhib thaj bahtarda Maškarthemutno đes rromane čhibjako sa e Rromenđe ando buhljaripe themesko – „Bahtalo o Lumnjako đes e rromane čhibako sa e Rromenđe. Bahtalo Rromane chibjako mashkarthemutno dive. Srećan Međunarodni dan romskog jezika svim Romima sveta“.

RNS

See author's posts