LOŠANISARDAPES O MAŠKARTHEMUTNO ĐES RROMANE ČHIBJAKO ANDO SILBAŠ
Palo lošanipe Maškarthemutne đesesko rromane čhibjako, e pokrajinaći dikhljardi thaj membro nacionalne konsilestar, Jelena Jovanović, thaj koordinatori pale rromane pučhimata, Dragana Ninković, sas ande vizita FST „Braća Novakov“, ando than Silbaš
E dikljardi Jovanović thaj koordinatoro Ninković, uladine e lila pe rromani čhib pala pandžvardeš štar sikamne save džan po losarimasko šeho Rromani čhib e elementonenca nacionalne kulturatar. E Lila save ando butipe ažutisarena sikamnenđe, o dipe si kataar Maškar pala edukacija e Rromenđi thaj etnikane amalimatengo, kasko prezidetno si vi autoi lilendar Ljuan Koka.
E pokrajinaći dikljardi Jovanović ando piro vaćardipe čhavorrenđe sikada baro bahtalipe palo losaripe lengo thaj lenđe bijandimatarnendar te sikaven o šeho Rromani čhib e elementonenca nacionalne kulturatar thaj mothoda: „But sem bahtali kaj sem ađes ando fundosko sikavno than „Braća Novakov“ ando Silbaš, sar khetanimašće bućarimava e direktoreja, gajda vi bare akhardimasa e čhavorrendar save sikaven sićope pe rromanii čhib thaj rîndosko sikavipe. Sićope si o čačimasko drom pala sa jekh emancipacija amare amalimastar. Nevi generacija avel, gatisaren sar maškarutne sikavne thana gajda vi vuče sikavne thana. Paćav kaj butipe tumendar agorisaren vučo sikavipe, thaj kaj či bistarena piri dejaći čhib“ – inkalda e Jelena Jovanović.
O koordinatoro pala rromane pučhimata ande guverna Bačka Palanka, Dragana Ninković, inkalda kaj ande guverna Bačka Palanka paša fundosko sikavno than ando Silbaš e čhavorra sićon rromani čhiv vi ande Pivnice, sar vi ando Tovariševo kaj kava sikavipe nakhavelpes majbut katar 20 brša.
Inćardo si vi maladipe e direktoreja sikavne thanestar Đoka Milić savo inkalda kaj ando fundosko sikavno than „Braća Novakov“ ando Silbaš butimasa alavarelpes bućaripe pala multikulturaliteto.
Lokalosko amalipe Silbaš si butimašće nacionalno than, kaj trajin e Toturja, Dasa thaj e Rroma ando khetanimasko trajisaripe paćivalimasa ande maškarpeske averčhandimata save si barvalipe AP Vojvodinako.
Romski Jezik 
Српски језик