VIZITA LOKALOŠĆE KORKORROORTUIMATENĐE THAJ RROMANE THANENĐE – FORO NIŠ

Sar kotor planosko thaj programosko pale vizite Kotorengo lokaloske korkorrorotuimatengo thaj rromane thanengo, šerutnipe Nacionalne konsilesko sas ande vizita ando foro Niš.

Prezidento Dalibor Nakić e pire majpaše kobućarnenca, džipašerutneja Aleksandreja Balinović thaj generalne sekretareja Dejanova Vlajkovićeja, inćarda ulade maladimata e manušenca vaćardimatenca e Rromendar ando foro Niš thaj šerutnimasa e Forostar, a tale godova vizita rromane thanešće „Čerga.“

Inćardo si vi bućarimasko thaj but konstruktivno maladipe ando forosko ćher e džipašerutnesa forošće šerutnjatar Dušicava Davidović saveja dijam svato pale realizacija LAP-osoko thaj mištardam khetanimasko bućaripe maškar Foro thaj Nacionalno konislo andar aver kotora, a detot gatisaripe bešimašće lesamalinmasko, komunalna thaj dromarimašći infrastruktura ande rromane thana thaj lesamalipe pale terne.

Ando Kulturako maškar e Rromengo dijam svato pale bućarimata save KM nakhavel thaj dikhlam paćivasa kaj o KM ande nakhli vrjama inćarda but kulturako – amalimaske bućarimata ando kamipe te ćerelpes sikadipe rromane kulturako, sar vi ande aver kotora amalimašće bućarimatengo. Sar mothoda šerutno o Svetislav Jovanović, KM si putardo sa jekh đes thaj paša angluno bućaripe, bućaras vi ande kotora save si phnagle palao sićope, bućaripe thaj socijalno-sastarimasko lesamalipe rromane populacijako.

Ande vizita rromane thanestar Čerge, dikhlam paćavimasa ando svato e forutnenca kale thanestar kaj inćaren jekh šukar nakhavipe e amare kolegurjenca andar Nacionalno konsilo, džipašerutne šerutnestar Gatisarimašće odborestar Igoreja Paunovićeja thaj membrosa Konsilestar thaj šerutnesa KM Svetislaveja Jovanoviće, save si sajkh đes po tereno thaj bućaren palo gatisaripe lenđe rodimatengo.

RNS

See author's posts