INĆARDAPES BEŠUTNI KONSILESTAR PALE NACIONALNE MINORITETURJA

Ando Thagaripe Republikako Srbijako po 22. juno 2023. brš inćardapes bešutni Konsilestar pala nacionalne minoriteturja savjava šerutnisarda o ministro pale manušikane thaj minoritane orturja thaj amalimasko dijalogo Tomislav Žigmanov, arlisarimatari prezidentostar Konsilestar.
Ando andralunimasko vaćardipe ministro Tomislav Žigmanov sikada pe bućarimata Ministerijumostar pale manušikane thaj minoritane orturja thaj amalimask odijalogo save avena nakhade ande avutnimašći vrjama andar kotor majbuhljarimasko thanengo thaj orturjengo membrurjengo nacionalne minoritetorjendar.
Inkalda kaj o Ministerijumo lundžarela khetanimasko bućaripe sa e raštraće organonenca pes a nivelurja thagarimašće save si udžile pale pučhimata save si semne pala nacionalne minoriteturja sar vi godova kaj si o Ministerijumo adresa palo agorisaripe sa e akhardimatengo savenca ando piro bućaripe malavenpes nacionalne konsilurja.
Pe bešutni Konsilestar pala nacionalne minoriteturja jećhekrrlesa si čačardo Inkaldipe programosko palo dinipe fundurjengo andar Budžetsko fondo pala nacionalne minoriteturja, saveja si inkaldo kaj si kultura prioritetno kotor ando savo e programurja tha projekturja učharenpes lovenca andar Budžetsko fondo pala nacionalne minoriteturja ande 2023. brš. Pe bešutni sas e manuša andar nacionalne konsilurja nacionalne minoriteturjendar, sar vi e manuša andar Ministerijumo avrjalune bućarnendar, Ministerijumo čačimastar, Ministerijumo raštraće ortuimatar thaj lokalošće korkorroortuimatar, Ministerijumo kulturako, Ministerijumo informacijako thaj telekomunikacijako, Ministerijumo sikavimasko thaj Ortuipe palo khetanimasko bućaripe e khanđirenca thaj konfesijaće ćidimatenca.
Nacionalno konislo rromane nacionalne minoritetorestar sikada o Dalibor Nakić, prezidento Konsilesko.

RNS

See author's posts