Čhutimasa katar khuvdipe luluđengo po than „Staro Sajmište“ lošanisardape o đes palo dinipe gođako pe viktimurja Holokaustostar
O đes kana delpes gođi pale viktimurja katar Holokaust, genocido thaj aver viktimonengo fašizsmosko ando Dujto themesko maripe lošanisardo si ađes čhutimasa katar luluđengo khuvdipe pašo liparimako bar viktimonenđe po than Staro Sajmište.
E raštraći ceremonija palo lošanipe po kava đes inćarda sar šorutni e Suzana Paunović, generalno sekretari katar prezidijumo Srbijako.
Ando alav katar Nacionalno konsilo rromane nacionalne minoritetosko, o luluđengo khuvdipe čhutine o prezidento Dalibor Nakić, šerutni po Gatisarimasko odbori Pava Čabrilovski, generalno sekretari Dejan Vlajković thaj dikhljardi andar Parlamento Srbijako Sandra Joković.
Kava raštrako lošanimasko đes si phanglo palo dinipe gođako pe Dasa, Jevrejurja thaj e Rroma save sav mudarde ande butimašće thaj bimanušale mudardimata ando Dujto themesko maripe.
Po Liparimasko bar pale viktimurja genocidosko e luluđengo khuvdipe čhutine vi e ministro pale bući, bućaripe, marimašće thaj socijalne pučhimata Darija Kisić Tepavčević, prezidento parlamentosko e Forostar Beograd Nikola Nikodijević, e manuša andar diplomatsko koro, familije viktimonendar, e manuša andar Kujbo jevrejenđe guvernendar Srbijatar, ćidimata thaj e forutne.
https://youtu.be/uBqnkbxVaJM
Romski Jezik 
Српски језик