Prezidento Nakić po čikat katar Organizaciono odboro palo lošanipe jubilejesko „Pola veka romskog aktivizma u svetu“

Ando Parlamento Republikako Srbijako, inćardapes o inicijativno bućarimasko bešipe po savo si fundosardo organizaciono odboti palo lošanipe jubilejesko pandžvardešbršengo Maškarthemutne đesesko e Rromengo – 08. aprilo thaj inćardipe katar Angluno kongreso e Rromengo.
Po teljaripe, sikado si thaj losardo Đeseski bućarimaski patrin. Čhinado si kaj o inćarimatari sa e bućarimatengo ando lošanipe thaj organizacija manifestacija savi avelna inćardini ando Dom Parlamentosko avek Nacionalno konsilo rromane nacionalne minoritetostar.
Palo prezidento po organizaciono odbori jećhekrrlesa losardo si oprezidento po Nacionalno konsilo rromane nacionalne minoritetostar Dalibor Nakić, a palo tehnikano sekretari Una Beriša.
Talo inkaldipe prezidentostar Nakićestar, losardino si vi o alav katar centralan manifestacija - „Pola veka romskog aktivizma u svetu“ (Opaš šelbršutnipe rromane aktivitmosko ando them), sar vi inkaldipe te Ministerijumošće pale kultura bičhalelpes inkaldipe te e 2021. avel alavardi sa brš rromane kulturako ande Republika Srbija
Po maldipe sas e ćherutnimatarja, dikhljarde rromane nacionostar e raji Sandra Joković thaj raj Dragoljub Acković, dikhljardi ando Parlamento Vojvodinako e raji Jelena Jovanović, šerutni pe Kancelarija pale inkluzija e Rromenđi ande AP Vojvodina e raji LiljanaMihajlović, membro konsilesko pale kultura thaj sićope ando foro Subotica Miloš Nikolić, rromano lilarno Zlatomir Jovanović, sikavni pe Akademija pale vinaja ando foro Vršac dr Marija Aleksandrović, žurnalisto rromane redakcijatar po Radio Beograd Una Beriša.
Ando alav katar Nacionalno konsilo po bešipe sas o prezidento Dalibor Nakić, šerutni po Gatisarimasko odbori Pava Čabrilovski, prezidento Odboresko pale kultura Milivoje Didanović thaj generalno sekretari Dejan Vlajković.