„E RROMA SAR INDIJAĆI DIJASPORA – BIPHANGLIMASKO PAŠUNIPE“

Sar kotor lošanimasko katar Maškarthemutno đes e Rromengo, ande Hrvatska inćardapes Maškarthemutni konferencija „E Rroma sar indijaći dijaspora – biphanglimasko pašunipe.“

E Konferencija ćida baro đindo rromane anglunimatarengo andar majbut katar 20 (biš) raštre save ande pire mothodimata ando kotor panelosko dine svato pale kultura, dumutnipe thaj rromani čhib, a po putaripe Konferencijako, sas thaj dija vi o svato o prezidento Thagarimastar Hrvatskatar, Andrej Plenković. Pe Konferencija sas vi butimašće membrurja katar Thagaripe Hrvatskako thaj Parlamentostar.

Ando alav e Rromengo andar Srbija, pe konferencija sas o prezidento Nacionalne konsilestar rromane nacionalne minoritetonendar, Dalibor Nakić, o prezidento Gatisarimaske odborestar, Pava Čabrilovski, prezidento Kulturaće maškarestar e Rromendar ando foro Pančevo thaj membro Konsilestar, Stevan Jovanović thaj generalno sekretari, Dejan Vlajković. Pale mudarimata e Rromendar ando Dujto themesko maripe, o svato dija o profesori Dragoljub Acković.

Sa e manuša pe konferencija, khetane e organizatoreja, Amalipe Rromengo ande Hrvatska „Kali Sara“ thaj vaćardimatarestar Saborestar, Veljko Kajtazi, ćerdine e Deklaracija savjava vaćarenpes raštraće Indijaće rodimava te e Rroma andar sasto them alavarenpes sar laći dijaspora.

Talo ramosaripe Deklaracijako, e manuša pe konferencija sas ande vizita ko Memorijalno maškar thaj rromano limori ande Uštica ando Jasenovac thaj banđardinepe kolenđe save hasardine pire trajurja ando Dujto themesko maripe.

RNS

See author's posts