BEŠIPE KOORDINACIONE KOTORESTAR NACIONALNE KONSILURJENGO NACIONALNE MINORITETONENDAR

Ando nakhlo agor kurkosko sas inćadino bešipe Koordinacione kotoresko nacionalne konsilurjengo nacionalne minoriteturjengo.

Nacionalno konsilo rromane nacionalne minoritetonendar sas sikadino katar šerutni po Gatisarimasko odbori Pava Čabrilovski, membro Gatisarimaske odborestar Klaudija Kurina thaj membro Konsilesko Stevan Jovanović.
Bešutni šerutnisarda o prezidento katar Nacionalno konsilo ungrikane nacionalne minoritetonendar, Jene Hajnal. Jekh katar punkte đeseseke bućarimatar sas o losaripe katar nevo prezidento

Koordinacione kotorestar po savo si čhinadino te o šerutnipe kale kotorestar, savo dži akana šerutnisarda o Ungrikano nacionalno konsilo, lel Bugarsko nacionalno konsilo, o prezidento Stefan Stojkov. Džipašerutno Koordinacione kotorestar avela Makedonsko nacionalno konsilo.

Ungrikano nacionalno konsilo šerutnisarda Koordinacione kotorestar katar juno 2017. brš thaj pala godoja vrjma ćerdino si Akciono plano palo čačaripe orturjengo nacionalne minoritoteturjengo, a andine si vi e averčhandimata katar Dino mothodipe pale nacionalne konsilurja.

Ando alav katar Nacionalno konsilo rromane nacionalne minoriteturjengo vaćarda e Pava Čabrilovski savi zurjarda losaaripe prezidentosko thaj džipašerutnesko Koordinacione kotoresko thaj inkalda kaj o Nacionalno konsilo e Rromengo sar vi dži akana avela aktivno ando bućaripe Koordinacijako, sar vi godova kaj sam gatisarde te e kolegurjenđe ažutisaras ando bućaripe.

Ando bućarimasko kotor bešimasko Stevan Jovanović inkalda kaj si bare semnimava averčhandipe džanglimasko maškar Konsilurja ando kotor savo si phanglo palo bućaripe Institucijengo kulturengo.

Ando alav katar Thagaripe Srbijako, sas o direktori Kancelarijaći pale manušikani thaj minoritane orturja, dr Suzana Paunović, savi inklada:
„Pala Thagaripe Srbijako si but semno te kava sistemo bućarel thaj sa so si ćerdino ande nakhle ohto brša mothol kaj čačičama ćerdam lačho bućaripe. Koordinacija nacionalne minoritetonengo si o than kaj alavarenpes khetanimaske alava pala sa nacionalne konsilurja, bizo dićhipe po fakto kozom si godova minoriteto đindimasa baro ande Srbija.“

RNS

See author's posts