SOCIJALNA INKLUZIJA E RROMENĐI THAJ RROMNJENĐI ANDE REPUBLIKA SRBIJA
Tale organizacija Evropaće komisijatar thaj Ministerijumostar vazdimastar, dromardimastar thaj infrastrukturastar inćardin o si o seminari pala socijalna inkluzija e Rromenđi thaj Rromnjenđi ande Republika Srbija.
O seminaro inćarel palo kamipe te pe sa jekh duj brša ćidenpes aresarde rezultaturja, sar vi te dićhenpes prioriteturja pala avutniamski vrjama ando kotor katar socilana inkluzija rromane populacijatar.
Ando andralunimasko kotor seminaresko, svato dija Dalibor Nakić, prezidento Nacionalne konsilestar rromane nacionalne minoritetonendar, savo mothoda kaj si maj baro anglunipe therdino ando kotor sikavimasko thaj bešimasko.
„Inćaras paćivalipe andp baro bućaripe save e raštra, po čikat e prezidentova Republikatar, del ando majbuhljaripe thanengo e Rromengo. Paćav kaj pala kaja socijalna politka aven majlačhe đesa pala rromano amalipe. Pedagoške asistenturja, medijatorja ando sastipe thaj mobilne timurja si amaro baro zurjavipe ande socijalna inkluzija“, mothoda o Nakić.
Ando alav katar Evropaći komisija po maladipe lija svato e Marta Garsija Fidalgo savi mothoda kaj savorra raštre ando regiono, sar vi ande Evropaći Unija, malavenpes e alhardimatenca thaj pharimatenca kana si ando pučhipe integracija e Rromenđi thaj Rromnjenđi ando amalipe.
„Srbija therda anglunipe ando kotor bešimasko thaj sikavimasko, sar vi ande prevencija katar sastarimasko lesamalipe thaj therdipe dokumentonengo membrurjengo rromane amalimaske. Godova či sikavel kaj si o bućaripe gatisardo thaj ažućaras te e Srbija ačhel lideri ando regiono ando kava kotor“, mothoda voj.
Fidalgo lunddžarda kaj e Evropaći komisija lundžarela te del zurjavipe ande socijalna inkluzija e Rromenđi thaj Rromnjenđi thaj kaj ando kava brš si ulade 30 milionurja evra pala kava kotor.
Ando alav katar Koordinaciono kotor svat odija džipašerutni Thagarimatar Srbijatar Zorana Mihajlović, savi putarimasa seminarestar pala socijlna inkluzija rromane amalimatar, inkalda kaj o Koordinaciono kotor trubul te avel inke majzuralo motori ando kava kotor, thaj kaj koordinacija niči e republikane institucijenca, no vi bithagarimašće sektoresa savo but bućarel pe kala teme, trubul te avel majzurali.
Ando dujto kotor Seminaresko ćerdinepes „bućarimašće kupe“ andar kotor bešimasko, bućarimasko, sikavimasko thaj kotor savo učharel čačaripe orturjengo pe personalne dokumenturja thaj ažutisaripe irisarimatenđe tale Readmisija.
Ande sa bućarimašće kupe kotor line e membrurja Nacionalne konsilestar e Rromendar: Ljiljana Mihajlović, Saša Ališanović thaj Božidar Jovanović (sikavipe), Aleksandar Balinović thaj Dejan Vlajković (bešipe), Miljan Rašić (čačaripe orturjengo pe personalne dokumenturja thaj ažutisaripe irisarimatenđe tale Readmisija).
Romski Jezik 
Српски језик