ULADINEPE ĆIJE RROMANE FAMILIJENĐE BEŠAVIMAŠĆE THANENDAR ANDO FORO SVILAJNAC

Ando foro Svilajnac inćardapes ceremonija palo uladipe ćijengo thaj kontrakturjengo hasnarimatarenđe katar 25 neve bešavimašće thanendar ando objekto pala socijalno bešipe. Bešavimašće thana sas vazdine sar kotor programosko “Zurjavipe Evropaće Unijatar palo socijalno bešipe thaj aktivna inkluzija.” Ando 2019. brš sas vazdino objekto pala socijalno bešipe, gajda kaj 28 familije čačardine orto pale bešimašće thana, savesa si agorisardo lokalosko pharipe phanglo palo harnovrjamako than savo lundžardapes majbut katar 40 brša.
Po lošanimasko uladipe ćijengo sas o ministro pale manušikane thaj minoritane orturja thaj amalimasko dijalogo Tomislav Žigmanov, ministro palo bućaripe, therdipe bućarimasko, marimašće thaj socijalni pučhimata Nikola Selaković, direktori programostar ande Kancelarija Jekhetane nacijendar pale projektne ažutisarimata Marko Vujačić thaj prezidento guvernako Predrag Milanović. Ando alav Nacionalne konsilestar rromane nacionalne minoritetorestar sas o prezidento Konsilestar Dalibor Nakić thaj džipašerutno Gagi Vasić.
Prezidento Nacionalne konsilestar rromane nacionalne minoritetorestar Dalibor Nakić uladimasa inkalda mothovipe pala lačho maškarinstitucionalno khetanimasko bućaripe bi savo integracija e Rromenđi thaj Rromenđi či avelas šajimašći.
Majdur, inkalda kaj sikavipe thaj sićope rromane čhavorrengo katar baro semnipe palo anglunipe e Rromengo thaj hasnarda šajipe te naisarel lokalošće korkorroortuimašće, raštraće institucijenđe thaj donatorenđe save dine bari zor te kava program zurjavimasko e Rromenđe palo bešipe therel aresipe thaj rezultaturja.

Video dićhipe po kava linko:
https://www.youtube.com/watch?v=HYHqagIDHgo

RNS

See author's posts