Forosko šerutno Nišosko, Darko Bulatović ćerda khetanimako bešimasko maladipe e manušenca katar zainteresuime riga palo losaripe lokacijako palo miškosaripe rromane thanesko Crvena Zvezda, sar vi vazdipe katar 50 bešimašće kotorengo ando than Stočni trg.
Ando alav nacionalne konsilesko rromane nacionalne minoritetostar, po maladipe sas o Igor Paunović thaj Svetislav Jovanović, a ando alav ministerijumosko vazdimasko, dromardimasko thaj infrastrukturako, raštrako sekretari Zoran Lakićević. E fundurja si therdine andar EU thaj Thagaripe Srbijako, a o phuv thaj infrastruktura savi džal tale godova dija o foro Niš.
Romski Jezik 
Српски језик