ANDO FORO VRNJAČKA BANJA TALO ZURJAVIPE EVROPAĆE UNIJATAR 20 FAMILIJE DINE ANDE SOCIJALNE BEŠIMAŠĆE THANA

Ando Foro Vrnjačka Banja 20 (biš) familije dine ande nevovazdino objekto pala socijalno bešipe. Programo “Zurjavipe Evropaće unijatar pala socijalno bešipe thaj aktivna inkluzija” therda saste lačharde thaj furjarde bešimašće thanan pala familije save si maškar majdukhalde amalimašće kupe andar foro Vrnjačka Banja.
Ćije neve bešimašće thenendar uladine o prezidento Guvernatar Vrnjačka Banja Boban Đurović, programosko menadžeri ande Delegacija EU ande Srbija Gerhard Zalcer, ministro pale manušikane thaj minoritane orturja thaj amalimasko dijalogo Tomislav Žigmanov, raštrako sekretari ando Ministerijmo palo bućaripe, therdipe bućaripe, marimašće thaj socijalni pučhimata Krsto Janjušević, prezidento Nacionalne konsilestar rromane nacionalne minoritetorestar Dalibor Nakić, thaj menadžeri programostar “Zurjavipe EU palo socijalni bešipe thaj aktivna inkluzija” anglal UNOPS Dragana Milošević.
Dinipe Evropaće unijatar palo nakhavipe projektosko palo socijalno bešipe thaj aktivna inkluzija ande Vrnjačka Banja si 740.000,00 evra, a kotor finansijengo katar 115.000,00 evra therda e Guverna.
Prezidento Nacionalne konsilestar rromane nacionalne minoritetorestar Dalibor Nakić inkalda kaj sa jekh forutno inćarel orto te trajisarel ande čhinavimata save si talo dikhavipe civilizuime manušestar 21. Šelbršutnimatarestar. “Čačipe si kaj udžilipe jećhe thagarimastar dićhelpes ando nakhavipe pale maj darade kategorije forutnenđe thaj kava objekto si jekh katar sikadimatarja kaj e Srbija sa jekh đes avel sa majlačho thaj majlačho than palo trajisaripe niči Rromengo, no vi forutnendar save si čhutine tale aver amalimašće dukhade kategorije forutnendar. Semnipe kale projektosko si vi ande godova kaj si učhardo merenca aktivne inkluzijatar, kaj e manuša pherde bršengo therela bućaripe, kaj se čhavorra avena andine ando sikavimasko sistemo”, lundžarimasa kaj si but semno kaj ando objekto či trajin korkorre Rroma no vi e manuša katar butimaski populacija forutnenđi, so si čačo modelo inkluzijako.
Evropaći unija palo program “Zurjavipe EU palo socijalno bešipe thaj aktivna inkluzija” ulada 27 milionurja evra, thaj vo, pašo foro Vrnjačka Banja, nakhavelpes ande 18 forurja thaj guverne ande Srbija. Talo učharipe kale Programosko, 381 familija therela bešimašće thana thaj zurjavipe ande aktivna inkluzija.

RNS

See author's posts