Palo lošanipe katar Maškarthemutno đes e Rromengo, ando foro Prokuplje sas inćardini džanglimašći debata talo alav “Dekada e Rromenđi. “ E debata sas ćerdini katar Ćidipe e Rromengo “Carina”, sar vi aver but kulturaće inćarimata.

Pe garisarimašći konferencija seminareski palo manušnjalo aktivizmo “100 palo avutnipe”, savo maškar nekozom modulrja sas inćardo Kancelarijatar pale inkluzija e Rromendar thaj Ministerijumostar pale manušikane thaj minoritane orturja thaj amalimasko dijalogo, Nacionalno konsilo rromane nacionalne minoritetonengo inćarda piro sikadipe pale bućarimata thaj aresarde rezultaturja.

Prezidento Nacionalne konsilestar rromane nacionalne minoritetonendar, Dalibor Nakić, bičhalda Patrađako bahtardipe sa čačepaćivale manušenđe save e Patrađi lošanin talo Julijansko kalendaro.