EVROPAKO ĐES GOĐIMASKO PE MUDARDE RROMA ANDO HOLOKAUSTO - SAMUDARIPEN
Ande Uštice, majpaše ko than Jasenovac, sar dinipe gođako pe kola bidošale save sas mudarde, rromano them lošanisarda, khetane e Evropaće parlamentova thaj butimašće maškarthemutne ćidimatenca, Đes dinimaske gođako pe mudaarde Rroma ando Holokausto.
Pale godova, e delegacija Nacionalne konsilestar rromane nacionalne minoritetorestar, sikavimasa rromane populacijatar andar Republika Srbija, sas pe ceremonija po čhutipe kijbengo luluđedar pe rromano limori ande Uštica ande Hrvatska, sar vo po čhudipe kujbengo luluđengo po Memorijalno komplesko “Donja Gradina” ande Bosna thaj Hercegovina.
Po čikat delegacijako Nacionalne konsilestar sas o prezidento, Dalibor Nakić, a ande late sas vi e šerutni Gatisarimaske odborestar, Pava Čabrilovski, generalno sekretari, Dejan Vlajković thaj prezidento Kulturake maškaresko e Rromendar ando foro Pančevo thaj membro Nacionalne konsilestar, Stevan Jovanović.
Organizatori ceremonijako ando than Uštice sas o Amalipe e Rromengo ande Hrvatska “Kali Sara”, a o prezidento katar organizaciono odbori, sas o dikhljardo parlamentosko, Veljko Kajtazi.
E delegacija katar Nacionalno konislo talo čhutioe kujburjengo luluđendar, inćarda vi nekozom semne maladimata e manušenca andar butimašće maškarthemutne ćidimata thaj individue, a svato sas phanglo pale khetanimaske bućarimata pe promocia thaj arakhadipe rromane kulturako po than katar jugoistočna Evropa
Semne maladimata o prezidento Nakić inćarda vi e dikhljarenca, Veljko Kajtazi (HR), Ljatif Šikovski andar Severna Makedonija thaj Petar Polak, o dikhljardo ando evropako parlamento.
Romski Jezik 
Српски језик