AŠUNIMASKO SVATO PALO LOŠANIPE KATAR MAŠKARTHEMUTNO ĐES E RROMENGO “AMALIMASKO, EKONOMIKANO THAJ KULTURAKO KAPACITETO E RROMENGO ANDE REPUBLIKA SRBIJA”

Palo lošanipe katar 08. aprilo, Maškarthemutno đes e Rromengo, Nacionalno konsilo rromane nacionalne minoritetorestar, ando Baro plenarno than Parlamentostar RS, ćerda putardo ašundipe talo alav “Amalimasko, ekonomikano thaj kulturako kapaciteto e Rromengo ande Srbija.”
Aviline manušenđe thaj dostonenđe pašo prezidento Nacionalne konsilestar Daliborestar Nakićestar, svato dine vi o prezidento Themešće Parlamentostar Republikatar Srbijatar Vladimir Orlić, raštrako sekretari andar Ministerijumo pale manušikane thaj minoritane orturja thaj amalimasko dijalogo Ivan Bošnjak, raštrako sekretari andar Ministerijumo sikavimasko Ivica Radović, raštrako sekretari andar Ministerijumo palo bućaripe, therdipe bućarimasko, marimašće thaj socijalne pučhimata Lav Grigorije Pajkić, e dikhljarde manuša andar Parlamento Republikako Srbijako Dragoljub Acković thaj Sandra Joković, sar vi dikhljardi ando Parlamento AP Vojvodinako Jelena Jovanović.
Dalibor Nakić inkalda kaj o Nacionalno konsilo rromane nacionalne minoritetorestar čhinada te pe kava but semno đes delpes svato pale rromane ekonomikane, amalimašće, politikane thaj kulturaće potencijalurja odolaće kaj inćaras gîndipe kaj godola potencijalurja paša trubusardo amalimasko zurjavipe šaj te aven šeja palo zurjavipe thaj llinipe thanesko ande socijalno konteksto amalimasko Srbijako.
Prezidento Themešće Parlamentostar Vladimir Orlić inkalda kamipe thaj baro bućaripe raštrako palo sevrjamako thaj biačhadimasko majlačharipe thanesko e Rromengo, haradipe sa jekh amalimaske bijekhetanimastar, thaj zuralo bućaripe te ni jekh amalipe či avel čhutino pe rig jal te inćarel ma savo kotor diskriminacijako.
Po maladipe avilio baro đindo dostonengo, manuša andar averčhande ministerijumurja, raštraće institucijendar, ćherutne thaj maškarthemutne ćidimata, manuša andar Nacionalne konsilurja nacionalne minoriteturjendar, membrurja Konsilestar, sar vi butimašće forutne.

RNS

See author's posts