DELEGACIJA NACIONALNE KONSILESTAR RROMANE NACIONALNE MINORITETORESTAR KO PREZIDENTO REPUBLIKAKO SRBIJAKO ALEKSANDAR VUČIĆ

Prezidento republikako Srbijako Aleksandar Vučić maladape ađes e manušenca andar Nacionalno konislo rromane nacionalne minoritetorestar thaj dikhljarde manušnjendar ando Parlamento Srbijako thaj Parlamento AP Vojvodinako. Po maladipe dijam svato pale pharimata savenca malavelpes rromano amalipe, sar vi palo than palo majbuhljaripe lenđe thanengo ando amalimasko thaj politikano trajisaripe, sar vi ando kotor sikavimasko, socijalne arakhadimasko, therdipe bućarimasko, bešimasko thaj sikadipe rromane kulturako.
Pašo prezidento Republikako Srbijako thaj membrurja leske timostar, po maladipe sas vi o ministro pale kultura Maja Gojković, ministro palo lesamalipe famlijako thaj demografija Darija Kisić Tepavčević, ministro palo bućaripe, therdipe bućarimasko, marimaske thaj socijalne pučhimata Nikola Selaković, ministro pale manušikane thaj minoritane orturja thaj amalimasko dijalogo Tomislav Žigmanov, ministro pale vazdimata, dromardipe thaj infrstruktura Goran Vesić, thaj ministro palo informišipe thaj telekomunikacije Mihailo Jovanović.
Delegacija Nacionalne konsilestar prezidentos butimasa informišisarda pale akanutne pučhimata thaj pharimata ando rromano amalipe, sar vi pale inkaldimata palo majbuhljaripe akanutne politikengo ande averčhande segmenturja, save anena agorisaripe akhardimasko savenca rromani populacija malavelpe.
Prezidento inkalda kaj e raštra lundžarela barimasa thaj sistemosa te bućarel palo haradipe sa jekh amalimaske bijekhetanimasko thaj či dela te ande Srbija ma savo amalipe avel čhutino po agor, niči ando amalimasko-ekonomikano kotor, sar vi ando ma savo kotor diskriminacijako.
Majdur inkalda kaj dži akana nakhadinepe programurja andar kotor politikako phanglo palo sićope, therdipe bućarimasko, bućarnipe thaj socijalna inkluzija maškar save dijape lundžardo zurjavipe thaj ažutisaripe rromane amalimašće, sar vi te lundžarenpe projekturja save trubun te majbuhljaren thaj te majlačharen sa kotora katar amalimasko-politikano trajo amare raštratar, sar o rromano amalipe majbut zurjavelape te pire šajimatenca proaktivno lel kotor ando khetanimasko bućaripe palo buhljaripe thaj anglunipe Srbijako
Ande delegacija Nacionalne konsilestar, po kasko čikat sas o prezidento Dalibor Nakić, sas vi e Jelena Jovanović, dikhljardi ando Parlamento AP Vojvodinako, Sandra Joković thaj Nataša Tasić Knežević, dikhljarde ando Parlamento Republikako Srbijako, Aleksandar Radulović, prezidento Gatisarimaske odborestar NKRNM, thaj Bajram Morina, generalno sekretari Nacionalne konsilestar e Rromendar.

RNS

See author's posts