VIZITE RROMANE THANENĐE – VARVARIN THAJ ĆIĆEVAC

Prezidento Nacionalne konsilestar rromane nacionalne minoritetonendar, Dalibor Nakić, lundžarda e vizitenca rromane thanendar ando buhljaripe Srbijako.
Vo e kobućarnesa andar kotor sikavimasko Momčilova Mutatovićesa, sas ande rromane thana ando Varvarin thaj Ćićevac.

Ando Varvarino sas ke familija Savić savi lundže brša aresimasa ćerel e bova – „Kube.“

Ando svato e membrurjenca familijatar Savić, o prezidento Savić inkalda kaj o konsilo zurjavela kasavo kotor familijaće bućarimatar thaj inkalela mothodipe maškarthemutne ćidimatenđe te ande avutnimašći vrjama zurjaven thaj majbuhljaren kasavo sikadipe bućarimaskothaj korkorrobućarimasko rromane populacijako.

Sar ando Varvarino, gajda vi ando Ćićevac, dikhlino si kaj si but pharimata ando kotor bešimasko thaj dromardimašće infrastrukturako.
Dikhlino si kaj si e manuša rromane populacijatar ande cikne guverne naj informišisarde kozom trubun pale „inkluzija Roma“ thaj mere save e raštra Srbija thaj maškarthemutne ćidimata len ando agorisaripe bilačhe thanesko e Rromengo.

„Nacionalno konsilo rromane nacionalne minoritetostar ando avutnipe dela baro lesamalipe kasave trujalimašće thaj bućarela pala majlačho informišipe rromane populacijaće sar sastimasa nakhavelape e raštraći Strategija pala socijalna inkluzija e Rromenđi thaj Rromnjenđi“ – mothoda o prezidento Nakić ando savo e rromane populacijava.

RNS

See author's posts