Arakhadipe dumutnimasko, kulturako thaj rromane čhibjako – khetanimasko bućaripe maškar Srbija thaj Hrvatska
Nacionalno konislo rromane nacionalne minoritetonengo sas ćherutno delegacijaće e Rromenđe andar Hrvatska, po kasko čikat sas o saborosko dikhljardo (membro parlamentosko), Veljko Kajtazi thaj prezidentova katar Konsilo e Rromengo ande Hrvatska “Kali Sara”, Suzana Krčmar.
Ando alav ćherutnengo, Nacionalne konsilestar, e delegacija andar hrvatska ažućarda o prezidento Dalibor Nakić ando amalipe e prezidentosa Gatisarimaske odborestar, Pava Čabrilovski thaj prezidentosa Kulturaće maškarestar e Rromendar andar foro Pančevo, Stevan Jovanović
Po maladipe dijape svato palo majbuhljaripe khetanimaske bućarimasko maškar e Rroma andar Srbija thaj Hrvatska, khetanimašći kultura thaj arakhadipe rromane čhibjako.
Inkaldapes kaj khetanimasko bućaripe maškar e Rroma andar duj raštre si po maj vučo nivelo ande palune nekozom brša, a maj “došarde” pala godova si e raja Veljko Kajtazi thaj Dalibor Nakić.
Ande majpalune duj brša, e delegacije ćerdine vizite jekh avrešće nekozom droma thaj line kotor ando fundosaripe ašunimašće politikengo save inaćaren kamipe sikadipe rromane čhibjako, lošanipe katar semne đesa pala rromani populacija, sar vi majlačharipe sajekh inkluzijako e Rromengo ande rašte nakhle Jugoslavijatar.
Romski Jezik 
Српски језик