INĆARDAPES TRITI MANIFESTACIJA “MAŠKARTHEMUTNO ĐES RROMANE ĐILABIMASKO” ANDO FORO SOMBOR

Rromano kulturako maškar Pančevo, ando pherdo than, araći rjaćava ćerda triti rîndošći Manifestacija “Maškarthemutno đes rromane đilabimasko”, ando Đilabimasko sikavimasko than “Petar Konjović”, ando foro Sombor. Pire đilabimašće talenturja sikadine rromane čhavorra andar kala guverne: Odžaci, Bačka Palanka, Novi Sad, Novi Kneževac, Subotica, Sremska Mitrovica, Zrenjanin, Vršac, Novi Bečej, Kikinda, sar vi Foro Sombor. Sar dipe e instrumenturja therdine e čhavorra andar Novi Sad, Kikinda thaj Odžako. Šukarimašće dinimata katar organizatorja kale manifestacijako therdine vi aver čhavorra. Khetanimasa dži akana sar dipe, đilabimasko instrument therdine inja rromane čhavorra, a kova so si kamipe sit e sa čhavorra save line kotor ande kaja manifestacija, sar dipe theren đilabimasko instrument, thaj pe godova varo te zurjavas len thaj te te vazdas motivacija pala avutnimasko đilabimasko sićope.
Ando andralunimasko vaćaradipe svatosko, maladipe bahtardine Šerutni đilabimaske sikavimaske thanestar Milena Despotović ćherutni manifestacijatar, prezidento Rromane kulturaće maškarestar Stevan Jovanović sar organizatoro, Aleksandar Radulović,, prezidetno Gatisarimašće odborestar Nacionalne konsilestar rromane nacionalne minoritetorestar sar šerutno učharimatari kale manifestacijatar, kotoreja fundurjenca Pokrajinaće sekretarijatar palo sićope, inkaldimata dine mothodimastar thaj nacionalne minoriteturja, thaj Jelena Jovanović, dikhljardi ando Parlamento Vojvodinako. Manifestacija putardine Milan Micić ažutimatari pokraijaće sekretarestar pale kultura, ašunimasko informišipe thaj phandimata paćivale amalimatenca thaj Darko Smiljanić, membro Forošće konsilestar palo kotor socijalni arakhadimasko Forostar Sombor. Liduj kale institucijako, pokrajina thaj Foro Sombor, dine pherdo zurjavipe kale manifestacijaće. Vi ando kava brš, sar ande nakhle duj, sasto program inćarda e Maja Jovanović andar Deronja, pedagogikano asistento thaj sikavni rromane čhibjako, savi đinada vi piri poezija maškar vrjama kana andinepes čhinadimata katar žiri palo dinipe đilabimašće instrumentonengo. Kaja manifestacija džal godole dromeja te avel tradicionalna, a sa mothodimata godova vi sikaven.

RNS

See author's posts