VIZITA FUNDOŠĆE SIKAVNE THANEŠĆE „PAVLE SAVIĆ“ PE ZVEZDARA

Sar kotor planostar vizitendar sikavne thanenđe ande save džal majbaro đindo rromane sikamnengo rromane nacionostar, e manuša andar Nacionalno konsilo e Rromengo sas ande vizita ando Fundosko Sikavno than “Pavle Savić” pe Zvezdara.
Kamipe kale vizitengo si averčhandipe džanglimasko pale mere sikavimašće politikengo save si vortosarde pe inkluzija e Rromenđi, pindžardipe e majbare ačhadimatenca savenca e bućarne ande sikavne thana malavenpes ando inćaripe lundžardimasko ando sikavipe rromane sikamnengo sar vi ando aresipe sikavimašće rezultatonengo, sar vi alavardipe preventivne merengo palo lengo nakhavipe.
Šerutno sikavimaske thanestar e manušenđe andar Konsilo mothoda pale bućarimata thaj inkluzivne prakse save kava sikavimasko than nakhavel ando bućaripe e sikamnenca rromane nacionostar, palo bućaripe pedagogikane asistentosko, sar vi palo khetanimasko bućaripe aver institucijenca save inćaren udžilipe ando kotor sikavimasko.
O prezidento Nakić dija svato manušenđe palo bućaripe Nacionalne konsilestar ando kotor sikavimasko, pale mere palo zurjavipe save e sikamne rromane nacionostar šaj te theren dural sikavimašći vrjama, dija zurjavipe palo bućaripe katar pedagogikano asistento, thaj inkalda semnipe lačhe khetanimaske bućarimasko thaj partneripe sikavimašće thanengo thaj Nacionalne konsilestar.
Pašo prezidento Nakić, ande delegacija Konsilestar sas vi i prezidento Gatisarimaske odborestar Aleksandar Radulović, sar vi generalno sekretari Bajram Morina.

RNS

See author's posts