E MANUŠA ANDAR POKRAJINAKO SEKRETARIJATO ANDO BEŠIMASKO THAN NACIONALNE KONSILESTAR E RROMENDAR ANDO FORO PANČEVO

Manušnja andar Pokrajinako sekretarijato palo sikavipe, ortuimata thaj nacioalne minoriteturja – nacionalne amalimata, Milinka Hrćan, u.b. ažutimatari pokrajinaće sekretarostar pale nacionalne minoriteturja, thaj Živana Živanović, kobućarni palo čačaripe manušikane thaj minoritane orturjendar, sas ande vizita ando bešimasko than Nacionalne konsilestar rromane nacionalne minoritetorestar ando foro Pančevo. Rezono palo inćaripe maladimasko sas bućaripe thaj bućarimata Nacionalne konsilestar e Rromendar pe teritorija katar Autonomna pokrajina Vojvodina.
Manušnja andar Pokrajinako sekretarijato therdine informacije palo bućaripe Rromane kulturaće maškarestar Pančevo, sar vi pale butimašće manifestacije pe teritorija AP Vojvodina save nakhaven membrurja Konsilestar thaj rromane ćidimata katar civilosko amalipe. Majdur, sikadinepes vi e avutnimašće planurja Nacionalne konsilestar e Rromendar thaj Odborestar Konsilestar, fundosaripe institucijengo thaj ćidimatengo savenca majbarjavenape bućarimata andar sa kotora save si Dine mothodimasa ulade Nacionalne konsilenđe.
Manušnja andar Sekretarijato inkaldine pozitivno gîndipe thaj molipe bućarimasko Konsilestar thaj rromane kulturaće maškarestar Pančevo
Alisa Šajn, arlimatari prezidentosko Nacionalne konsilestar, Aleksandar Radulović, prezidento Gatisarimašće odborestar, Bajrma Morina, generalno sekretari thaj Stevan Jovanović, membro Konsilesko thaj prezidento Rromane kulturaće maškarestar forostar Pančevo.

RNS

See author's posts