VIZITA GUVERNAĆE BEOČIN

Palo lošanipe katar Maškarthemutno đes e Rromengo šerutni guvernatar Beočin Biljana Janković maladapes e delegacijava rromane amalimatar savenca sas ande vizita rromane thanešće sar vi rudisarimasko than Medžlis islamoske amalimatar ando Beočin.
Ande delegacija nacionalne konsilestar sas e pokrajinaći dikhljardi Jelena Jovanović, direktori Kancealarijatar pale inkluzija e Rromenđi Ljiljana Mihajlović, prezidento Nacionalne konsilestar rromane nacionalne minoritetorestar Dalibor Nakić, generalno sekretari Nacionalne konsilestar rromane nacionalne minoritetorestar Bajram Morina, sar vi membro Konsilestar Emin Selimi.
Ande bari sovarni Parlamentostar guvernatar Beočin sas ćerdino vi sikadipe sikavimasko pale forutne pe teme “Dumutnipe e Rromengo” savo inćarda e Emina Drmaku sar vi ašunimasko svato pale pučhimata save si semne pala rromano amalipe ando Beočin.
Ando svato e forutnenca ulado akcento čhutino si po semnipe sikavimasko, buhljaripe mehanizmurjengo pala majlačhi thaj majefikasna inkluzija e Rromenđi sar vi po ćerdipe thaj čačardipe katar lokalosko akciono plano sar majbuhljarelape thaj majlačharelape o than e Rromengo.
Šerutni raji Janković inkalda gatisaripe lokaloske korkorroortuimastar te fundosarel ašunimašće fundurja sar vi te zurjavel sa aver inkaldimata save inćarena palo kamipe te vazden gođaripe manušengo pale rromane pučhimata, agorisaren diskriminacija thaj zurjarven inkluzija e Rromenđi sar vi te čačaren dićhipe rromane kulturako.
“Paćav kaj si kala pučhimata pale save khetanimasa trubusaras te bućaras lundžarimasa thaj naisaras po zurjavipe pokrajinaće institucijenđe. Talo andipe lokalošće akcione planosko pala Rroma, ažućarav kaj avela majbut inkaldimata save avena katar rromane forutne sar ćerenape iinćarimata, manifestacije thaj programurja save si lenđe talo kamlipe thaj hasnarimašće”, inkalda e šerutni Janković.

RNS

See author's posts