PREVENCIJA I SPREČAVANJE
TRGOVINE LJUDIMA
Prezidento po Gatisarimasko odboro Nacionalne konsilestar rromane nacionalne minoritetonendar, Pava Čabrilovski, sas ando alav Konsilesko pe bešutni katar Bućarimašći kupa pale prevencija thaj ačhadipe arlimatengo manušengo.
Aviline membrurja Bućarimašće kupendar bahtarda o koordinatoro Mitar Đurašković thaj pindžarda len e statistikava andar MAB, sar vi nakhadimava katar nacionalno Akciono plano pala prevencija thaj ačhadipe arlimatengo manušengo savesa šerutnisarel džipašerutno thagarimastar Srbijatar thaj ministro andralune bućarimasko, Nebojša Stefanović.
Arlisaripe manušengo si globalno pharipe thaj keh katar maj hohavne bilačhimaske kotora kriminalitetostar po them savo ćerel efekto po trajo milionurja manušengo ando buhljaripe themesko thaj lel lendar dikhavipe dino trajestar. Pale akanutne analize katar arakhade kotora katar arlipe manušengo, potencijalne arlimatarja menšendar šaj te aven: partnerja/membrurja familijar, makroi, inćarimatarja ašunimaće ćherendar (bordelurja) thaj menadžerja salonendar pale masaže, maškarimatarja ando arakhadipe bućarimatengo, inćarimatarja katar fabrike thaj korporacije, bande thaj kriminalne kujburja thaj aver. Buhljipe kriminaliteturjengo, saar vi makrourja individue, familijaće ćidimata, cikne firme, kriminalne kujburja thaj maškarthemutne kriminalne ćidimata šaj te aven arlimatarja manušendar. Viktimurja arlimatendar manušendar šaj te aven e manušnja, čhavorra thaj murša tradine zuralimasa, hohade thaj tradine pe prostitucija, sar vi po ma savo aver kotor bućarimasko jal ažutimasko, sar kaj si, te mothas e bućarne save si inćardine ande ćhera jal pe farme tradine te bućaren opral piri voja, Tale informacija Jekhetane nacijendar paša 600.000 manušnja, čhavorra thaj murša sa jekh brš araćhenpes ando rîndo arlimatengo manušengo.
Ando alav Nacionalne konsilestar e Rromendar svato dije o prezidento po Gatisarimask oodbori Pava Čabrilovski:
„Maripe opral arlipe manušengo naj udžilipe katar thagarkmašće organurja. Savoora šaj te ažutisaren ando agorisaripe kale bilačhimasko gajda kaj teljarela butipe cikne, no semne akcijengo save den paćape thaj ažutisaripe.
Nacionalno konilo e Rromengo lela kotor udžilimasko ande avuntimnašži vrjama ande prevencija thaj agorisaripe arlimatengo manušengo sar po nacionalno nivelo ando kotor Bućarimašće kupasko, gajda vi po lokalosko nivelo bućarimasa po tereno membrurjengo Nacionalne konsilestar e Rromendar“, inkalda e raji Čabrilovski.
Romski Jezik 
Српски језик