Bućarimasko maladipe maškar šerutnipe Nacionalne konsilestar rromane nacionalne minoritetonendar e manušenca andar Asocijacija Pedagogikane asistenturjengo
Ando than Nacionalne konsilestar rromane nacionalne minoritetonendar, šerutnipe Konsilestar inćarda bućarimasko maladipe e manušenca andar Asocijacija rromane pedagogikane asisturjendar. E deleagije Asocijatar ćerdine e šerutno Božidar Nikolić thaj membrurja Mersida Besllimi thaj Nikola Marković.
Semni tema palo maladipe sas teljaripe sikavimaske bršesko thaj than asistonengo ande fundosko-sikavimasko sikavipe.
Prezidento Konsilestar, Dalibor Nakić, pindžarda kolen save aviline pale godova so si mištardino e manušenca andar Ministerijumo palo sićope, gođaveripe thaj tehnologikano buhljaripe pe maj palune trin maladimata thaj inkalda kaj po angluno drom tala deš ažućarimašće brša, statuso asistenturjengo sas dikhlino thaj lino sar prioriteto palo gatisaripe lengo formalno-ortuimašće statusosko.
Majdur, šerutno Nakić pindžarda e manuša andar Asocijacija kaj o Konsilo bičhalda inkaldipe averčhandimasko ortuimašće lilesko saveja ciknjarelpae e kvote palo pherdipe katar šelprocentno fondo klasurjengo pale asistenturja.
Mištardino si te e manuša andar Konsilo thaj Asocijacija inćaren rîndoske khetanimaske maladimata sar o Konsilo ažutisarela Asocijaće ande avutni vrjama ando čačaripe kamimatengo palo majlačho than asistenturjengo ande fundošće sikavne thana.
Ande delegacija Konsilestar sas o prezidento Dalibor Nakić, džipašerutno Aleksandar Balinović, šerutni po gatisarimasko odbori Pava Čabrilovski, membro odboresko palo sikavipe Zdravka Simić thaj generalno sekretari Dejan Vlajković.
Romski Jezik 
Српски језик