Bućarimasko maladipe bućarimasko ando Ministerijumo sikavimasko, gođaverimasko thaj tehnologikane buhljarimasko

Ministerijumo sikavimasko, gođaverimasko thaj tehnologikane buhljarimasko ćerda bućarimasko maladipe e Nacionalne konsileja rromane nacionalne minoritetonendar sar partnereja palo sićope membrurjengo rromane nacionalne minoritetonengo. Andar Konsilo sas o prezidento Dalibor Nakić thaj membrurja andar Odbori palo sićope, Ljiljana Mihajlović thaj Božidar Jovanović.
Jekh katar aktuelne teme sas vi nakhavipe afirmativne merengo ande sikavimasko 2019/2020. brš, sar vi inkaldimata palo majbuhljaripe sikavimasko ande sikavimasko 2020/21. brš.

E manuša andar Ministerijumo sikadine pe godova kaj ando nakhlo sikavimasko brš sas uladine 2017 stipendije pala sikamne rromane nacionostar andar maškarutne sikavne thana jal 357 majbut no nakhle bršeseko, prdal afirmativne mere sas ramosardine 1890 sikamne tale prelilminarne raporturja, a Rromani čhib e elementonenca nacionalne kulturatar sićiline 2.553 sikamne.
Dikhlape anglunipe vi ande dine mothodimšći legislativa kaj Ortuimašće lilesa pale pedagoško thaj andragoško asistento si lačhardo bućaripe thaj majbuhljardo si o statuso asistentosko palo zurjavipe sikemnenđe rromane nacionostar.

Aktuelna averčhandipe Ortuimaske lilestar pale kriterijumurja thaj standardurja palo finansiripe institucijako savi bućarel ando kotor palo fundosko sićope thaj vazdipe thaj Ortuimaske lilestar pale kriterijumurja thaj standardurja palo finansiripe institucijako savo bućarel ando kotor katar maškarutno sikavipe thaj vazdipe ando kotor savo si phanglo pale asistenturja save den zurjavipe rromane sikamnenđe, kvalitativno kotor maškar averčhandimata anela nevimata save den šajipe te e čhinadimata anenpes po nivelo sikavne thanesko, no po angluno drom delpes trubulimasko đindo sikamnengo palo bućaripe pedagogikane asistonengo pale čhavorra thaj sikamne rromane nacionostar. Inkaldipe palo averčhandipe normengo Nacionalno konsilo bičhalela ramosardo, sar o Ministerijumo dićhela ando mištaripe e ortuimašće thaj finansijaće ačhadimatenca thaj šajimatenca.
Ministerijumo dija mothodipe Nacionalne konsilešće te del informacije studentonenđe rromane nacionostar te dural studije šaj te losaren dujesemestralno programo Rromani čhib po studijsko programo Čhib, lilaripe thaj kultura po Filološko fakulteto ando Beogrado. Orto inćaren sa e studenturja katar Univerziteto ando Beogrado.

Majdur, e manuša andar Ministerijumo mothodine Nacionalne konsilešće rromane nacionalne minoritetonendar te ande avrjaluni vrjama sa pedagogikane asistenturja lena kotor ande onlajn sićimata save o Ministerijumo gatisarel khetanimaske bućarimava e Zavodova palo majbuhljaripe sikavimasko pala kola bućarne save sikaven dukhaldimašće kupe.
Kalesa, sar vi majanglal maladimata e Ministerijumosa, Nacionalno konislo rromane nacionalne minoritetonendar sikavel vučo nivelo udžilimasko thaj gatisardo si te ando sa jekh momento lel inicijativa pala ažutisaripe thaj zurjavipe ando bućaripe Pedagogikane asistonenđe.
Kava maladipe si inke jekh sikadipe lačhe khetanimaske bućarimasko maškar Ministerijumo thaj Nacionalno konsilo rromane nacionalne minoritetonendar.
Ando alav Ministerijumosko, po maladipe sas Dr Snežana Vuković, Prof. dr Ljiljana Marković, Đurđica Ergić thaj Ljiljana Nenadović.

RNS

See author's posts