INKLADIPE MOTHODIMASKO NACIONALNE KONSILESTAR RROMANE NACIONALNE MINORITETONENDAR PALE LINE PASURJA ANDE VRJAMA KANA SAS AVRJALRÎNDOŠĆI SITUACIJA

Nacionalno konsilo rromane nacionalne minoritetonendar sar kotor pire dine mothodimatar udžilimatendar lija but bućarimata ando kamipe sar lesamalenaspe rromani populacija kana sas e avrjalrîndošći situacija.

Mothas tumenđe kaj ande nakhle duj brša bičhaldam ramosarimata ko:

• - kabineto prezidentosko Thagarimasko Srbijako;
• - kabineto ministaresko pala Raštrako ortuipe thaj lokalosko korkorrortuipe
• - kabineto ministarešće palo bući, therdipe bućarimasko. marimaske thaj socijalne pučhimata,
• - kabineto džipašerutne Thagarimašće Srbijaće sar šerutnjaće Koordinacione kotoreja palo nakhadipe Strategijako pale socijalna inkluzija e Rromenđi thaj rromnjenđi;
• - sa e kabinetonenđe direktorenđe pala Socijalne bućarimata
  , sar delas len gođi pe phari situacija rromane nacionalne minoritetonengo ande Srbija, detot pala vrjama kana sas avrjalrîndošći situacija, kaj but familije ačhiline bi poćinimasko.

Ande ramosarimata rodam te e liparde institucije ando kotor pire udžilimatengo den zor thaj te ažutisaren dukhalde rromane populacijaće savo majanglal andipe avrjalrîndošće situacijako sas ande sar akharenla „siva zona“, jal kotor forutnengo savo pravarda pire familije bućarimasa katar ćidipe sekundarne materijalurjengo, sezonaće bućarimata, đilabipe thaj aver bućarimata save si bidikhline ando bućarimasko-ortuimasko sistemo raštrako.

Ministerijumo palo raštako ortuipe thaj lokalosko korkorroortuipe ando kasko bućaripe thaj udžilipe si Lokaloske korkorrorotuimata inkalda e mothodimata forurjenđe thaj guvernenđe šerutnimatenđe te len kotor vi e lokaloske mehanizmurja pale inkluzija e Rromenđi ando bućaripe šerutne thanengo.

Ministerijumo palo bućaripe, therdipe bućarimasko, socijalne thaj marimaske pučhimata vortosarda men pe Centrurja pala socijalno bućaripe ande forurja thaj guverne, kaj ando mištaripe e kabinetova ministaresestar bičhaldam ašunimasko ramosaripe sa e Centrujenđe palo socijalno bućaripe ande Srbija.

Pale harni vrjama therdam informacije kaj o kotor dukhalde rromane populacijako savo naj ando sistemo socijalne dinimasko avela učhardo uladimava katar higijenale thaj habenatošće paketurjngo, themešće kujnava, sar vi poćinimva katar harnovrjamako finansijako ažutipe.

Te das tumen gođo kaj ande but forurja thaj guverne teljarda uladipe habenatošće thaj higijenale paketurjengo, thaj kaj sam ando kontakro e membrurjenca Konsilestar save line kotor ande šerutne thana pale avrjalrî8ndoišće situacije ande pire forurja thaj guverne.

Rukovodstvo Nacionalnog saveta Roma je u svakodnevnom kontaktu sa gradonačelnicima i predsednicima opština, direktorima Centara za socijalni rad i drugim važnim činiocima na lokalnom nivou.

Šerutnipe Nacionalne konsilesko e rromengo si ando sajekkhđesesko ando kontakto e šerutne manušenca e forurjendar thaj šerutne manušenca e guvernendar, direktorenca Centrurjendar pala socijalno bućaripe thaj aver semne faktorenca po lokalosko nivelo.

Nacionalno konsilo rromane nacionalne minoritetonendar kale dromesa kamel te sikavel piro pherdo zuralipe zurjavimasa Prezidentošće Republikaće Srbijaće thaj Thagarimašće Republikaće Srbijaće save lenpe ando maripe opral KOViD-19 thaj merenđe save andinepe palo lesamalipe forutnengo.

Prezidento
Dalibor Nakić

RNS

See author's posts