SOCIJALNE BEŠAVIMAŠĆE THANA PALA 12 FAMILIJE ANDO FORO ČAČAK A SAVE SI TALO SOCIJALNO DARADIPE

Prezidento Nacionalne konsilestar rromane nacionalne minoritetorestar Dalibor Nakić, khetane pire kobućarnenca, sas po maladipe ando savo si lošanisardo dinipe andre hasnarimatendar EU SHAI programostar ando nevovazdino butefamilijako bešimasko than ćerdino palo socijalno trajisaripe ando foro Čačak.
Khetanimasa 12 familije save si talo socijalno daradipe dine ande bešimašće thana, save si vazdine ando kotor Programostar palo zurjavipe Evropaće unijatar palo socijalno bešipe thaj aktivna inkluzija (EU SHAI). Foro Čačak alavardapes projektova “Te či mećhelpe khonik”, kasko molipe si 1,4 milionurja evra, katar save 1,2 milionurja evra sar donatori ulada Evropaći Unija, a 200.000 evra Foro Čačak. Projekto učharel 44 ćherutnimata, 12 bešimašće thana thaj duj khetanimašće sovarne thana pale bućarimata, sar vi ćindipe 14 ćherengo butimasa ande gavutnimata, thaj lačhardipe pale 18 bešimašće objekturja.
Po maladipe sas o ministro palo bućaripe, therdipe bućarimasko, marimašće thaj socijalne pučhimata Nikola Selaković, ministro pale manušikane thaj minoritane orturja thaj amalimasko dijalogo Tomislav Žigmanov, ministro pale evropaće integracije Tanja Miščević, ažutimatari ministarestar palo vazdipe, dromardipe thaj infrastruktura, ambasador Evropaće Unijako ande Srbija, lešći ekselencija Emanuel Žiofre, direktori kancelarijako Jekhetane nacijendar pale projektne ažutimata ande Srbija Mikela Telatin, šerutno forosko Čačak Milun Todorović pire kobućarnenca, membrurja katar projektne timurja, thaj e manuša andar institucije andar foro Čačak.
Nacionalno konsilo e Rromengo sikadine o prezidento Dalibor Nakić, džipašerutno Konsilestar Gagi Vasić thaj generalno sekretari Bajram Morina.

RNS

See author's posts