LOŠANIMASKO MALADIPE RROMANE DELEGACIJATAR KO FOROSKO ANGLUNO NOVOSADOSKO

Forosko angluno Novo Sadosko Miloš Vučević maladapes ando Forosko ćher e manuušenca rromane amalimastar katar teritorija Forostar Novi Sad, a palo 08. aprilo – Maškarthemutno đes e Rromengo.

Lesa svato dine e pokrajinaći dikhljardi Jelena Jovanović, direktori Kancelarijako pale inkluzija e Rromenđi Novi Sad Ljiljana Mihajlović, raštrako sekretari ando Ministerijumo pale manušikane thaj minoritane orturja Ninoslav Jovanović, sar vi butimašće anglunimatarja andar sikavne thana, fakulteturja thaj medije, Nacionalno ćher palo bućaripe, studenturja, sportisturja thaj e anglune manuša andar Nacionalno konsilo e Rromendar, a varesave katar mothodimatarja sas vi andar aver guverne thaj forurja sar kaj si Subotica, Sremski Karlovci, Sremska Mitrovica, Stara Pazova thaj Sombor.

E tema palo maladipe sas o than e Rromengo ande AP Vojvodina akcentova po sikavipe thaj linipe kotoresko rromane amalimasko ande sa kotora katar amalimasko thaj ašunimasko trajo, ulade dićhimava po Novi Sad.

• • Nais sa amare amalimatenđe, naštik te mothav dostonenđe, po but hasnarimasko than bareinćarimasko svato thaj bahtarav sa e Rromenđe ande Srbija Maškarthemutno đes e Rromengo. Godova đes sas rezono palo maladipe thaj svato, niči e manušenca andar rromano amalipe andar Novi Sad, no vi andar aver thana Srbijaće, thaj gajda e kobućarnenca inćardem šajipe te arlisarav džanglimata e Rromenca thaj Rromnjenca andar Bijanovac, Odžako, Subotica, Stara Pazova, Beočin, Beogrado, Sremski Karlovci, Sombor thaj aver guverne.

Kana sas nakhlo maladipe, akana dikhav anglunipe thanengo rromane amalimasko, katar lokalosko nivelo džiko raštrako. Kana si ando pučhipe Novi Sad, šaj te inkalav fundosaripe Kancelarijako pale inkluzija e Rromenđi, aska putaripe katar nevo bućarimasko than ando Forosko ortuipe pala socijalno thaj amalimasko lesamalipe, a godova si thaj katar ažutimatari šerutnesko savo si ulado pale pučhimata inkluzijako e Rromengo, paša godova, Parlamento Forosko anda Lokalno akciono plano pale inkluzija e Rromenđi, a bućarelpes khetane e Ministerijumosa pale manušikane orturja palo zurjavipe thaj majlačharipe thanengo e Rromengo kana theren bućaripe.

Ođardo sem e terne studentonenca save sas po kava maladipe, kamav lenđe aresimašće akademske karijere thaj te inćaren jekhetane čhinadimata, sar vi aver studenturja. Po kamlipe si manđe kaj averčhandam vi liparimaski phal po Kej žrtava racije, savi dešbršutnenca sas sar karno ando jakh rromane populacijaće. Amen kate trajisaras dešbršutnenca thaj šelbršutnimatenca khetane, thaj paćav kaj amare pašunimata avena majbuhljarde vi ando avutnipe – mothoda o forosko anglno Miloš Vučević.

Pokrajinaći dikhljardi Jelena Jovanović savi sas po čikat rromane delegaciaće, inkalda semnipe Maškarthemutnimako đesesko e Rromengo, kaj po godova đes ando sasto them vortosarelpes lesamalipe pe rromani populacija, sar avela majdikhavno lengo statuso, sikavipe thaj than ando amalipe.

• • Ande palune brša dićhelpes baro anglunipe ando majlačharipe thanengo membrurjengo rromane amalimasko. Haćaripe si semno alav savo mothol pale godova so thagarel, sar maškar amende ando amalipe, gajda vi ando pašunipe Forosko Novi Sad e anglune manušeja Milošeja Vučević pale rromano nacionalno amalipe.

Dumutnimasko semno momento pala amen sas averčhandipe džungarimaske alavesko po liparimaski phal po Kej žrtava racije, pala soste e manuša rromane nacionostar dešbršutnenca sunisardine – liparda e Jelena Jovanović savi po agor mothoda: „Paćav ando avutnipe amare raštrako Srbijako, paćav ando avutnipe amare čhavorengo kaj sa khetane ćidimasa džas majanglal thaj hasnarav kava šajipe te sa e manušenđe rromane nacionostar bahtarav Maškarthemutno đes e Rromengo.

Talo dinipe mothodimatengo katar Vučević thaj Jovanović, e šerutni Kancelarijatar pale inkluzija e Rromenđi Ljiljana Mihajlović dija anglune forošće manušešće Vučevićeske e Plaketa palo majbuhljaripe thanengo rromane amalimaske.

Paša Jelena Jovanović thaj Ljiljana Mihajlović save si vi membrurja katar nacionalno konsilo e Rromengo, ande delegacija sas vi o džipašerutno prezidentosko Aleksandar Balinović thaj membrurja nacionalne konsilestar Milan Belić, Živana Živanović, Miloš Nikolić thaj Emin Selimi.

https://www.vesti.rs/Vojvodina/Gradonacelnik-Vucevic-o-unapredjivanju-polozaja-Roma.html
https://www.danas.rs/vesti/drustvo/odrzan-sastanak-gradonacelnika-novog-sada-i-predstavnika-romske-zajednice/
https://rtv.rs/sr_ci/vojvodina/novi-sad/gradonacelnik-vucevic-o-unapredjivanju-polozaja-roma_1330851.html
https://www.alo.rs/vesti/politika/616811/medjunarodni-dan-roma/vest
https://nsuzivo.rs/istaknuto/gradonacelnik-vucevic-obelezio-svetski-dan-roma-sa-mladim-romskim-studentima-zelim-im-uspesne-akademske-karijere-i-da-imaju-iste-uslove-kao-ostala-deca-mi-ovde-vekovima-zivimo-zajedno

RNS

See author's posts