BUĆARIMASKO MALADIPE E MANUŠENCA ANDAR MINISTERIJUMO PROSVETAKO

Nacionalno konsilo rromane nacionalne minoritetorestar inćarda bešimasko maladipe e manušenca andar Ministerijumo prosvetako, Dr Snežanava Vuković thaj Đurđica Ergić, po savo sas sikadine inkaldimata Nacionalne konsilestar e Rromendar ando kamipe te majbuhljarelpe than rromane nacionalne minoritetonengo ando kotor sikavimasko. Nekozom teme pale save dijape svato po maladipe.
A phangle si pale vučesikavne thana, si barjardipe kvotengo palo ramosaripe studentonengo rromane nacionostar nakhavimasa katar mere afirmativne akcijako, sar vi dićhipe šajimasko pale stipendije studentonengo rromane nacionostar save ramosarenpes po angluno brš studijengo.
Nacionalno konsilo inkalda informacije manušenđe Ministerijumostar palo avitnimasko maladipe tale organizacija katar “Nacionalna asocijacija pedagogikane asistenturjengo”, a jekh katar fundosarimatarja si vi Nacionalno konsilo e Rromengo, po savo avela sikadino o plano bućarimasko kale ćidimasko, sar vi lenđe inicijative save anela efikasno inkluzija rromane sikamnengo, a vi čačarela bućaripe pedagogikane asistenturjengo thaj bućarela bare zuralimasa palo agorisaripe lenđe pučhimatengo pala bućarimasko-ortuimasko statuso.
Katar manuša andar Ministerijumo prosvetako sas dino pherdo zurjavipe inkalde teljardimatenđe Konsilestar,, thaj ande avutnimašći vrjama, sar vi talo alavardipe ministaresko, ažućarelpes pozitivne rezultaturja.
Nacionalno konsilo sikadine o prezidento Dalibor Nakić, prezidento Odboresko palo sikavipe Vladimir Šainović, thaj generalno sekretari Bajram Morina.

RNS

See author's posts