Uspostavljanje saradnje Filozofskog fakulteta u Novom Sadu i Nacionalnog saveta romske nacionalne manjine sa ciljem pokretanja nastave iz predmeta „Romska kultura i tradicija“

Tale inicijativa katar Nacionalno konsilo rromane nacionalne minoritetostar, ande thana katar Filozofsko fakulteto ando Novi Sad, inćardapes o maladipe palo šajipe te ande avutnimaski vrjam teljarelpes sićope andar šeho savo palo kamipe inćarela pindžaripe studentonengo e fundurjenca rromane kulturatar.

Po maladipe sas o prof. dr Ivana Živančević Sekeruš, dekano Fakultetosko, prof. dr Milivoj Alanović, prodekano pale bućarimata palo čačaripe, thaj Jelena Jovanović, membro Nacionalne konsilestar rromane nacionalne minoritetostar thaj pokrajinaći dikhljardi.

Šerutnipe Filozofsko fakultetostar inkalda mothodipe pale inicijativa Nacionalne konsilestar, kaj ando svato sas liparde varesave varurja save dena šajipe te kaja ideja ando pašuno avutnipe trajisarel.

Mištardo si kaj o Nacionalno konsilo rromane nacionalne minoritetostar ke udžilimašće rebublikane thaj pokrajinaće organurja teljarela e procedura te therenpes trubulimašće finansijaće thaj materijalne šeja palo sikavimasko kotor, sar vi godova kaj ando avutnimasko sikavimasko brš gatisarenape pharimata sar nakhavelape kaja inicijativa.

RNS

See author's posts